விஷ்ணு மஞ்சு தெலுங்கு சினிமாவின் முன்னணி நடிகர் மற்றும் தயாரிப்பாளர் மட்டுமின்றி தெலுங்கு திரையுலக நடிகர்களின் சங்கமான ‘மூவி ஆர்டிஸ்ட் அசோசியேஷன்ஸ்’ தலைவராகவும் தொடர்கிறார். அவரது விஷ்ணு மஞ்சுவின் கலையுலக சேவையை கெளரவிக்கும் வகையில், ஐக்கிய அரபு எமிரேட்ஸ் அவருக்கு கோல்டன் விசா வழங்கி வழங்கியுள்ளது.
இந்தி்ய திரையுலகமே எதிர்பார்த்துக் கொண்டிருக்கும், இந்திய சினிமாவின் மிகப்பெரிய காவிய திரைப்படமாக உருவாகி வரும் ‘கண்ணப்பா’ திரைப்படத்தை தயாரித்து, கண்ணப்பா வேடத்தில் நடித்து வரும் விஷ்ணு மஞ்சு, இதன் மூலம் இந்திய சினிமாவின் மகுடத்தில் மற்றொரு வைரத்தை பதிக்க உள்ளார்.
விஷ்ணு மஞ்சுவின் இத்தகைய சாதனைகளை கெளரவிக்கும் வகையில் மட்டும் இன்றி, இந்தியாவுக்கும் ஐக்கிய அரபு எமிரேட்ஸுக்கும் இடையே உள்ள கலாச்சார உறவுகளை மேம்படுத்தும் வகையில் அவருக்கு கோல்டன் விசா வழங்கி கெளரவிக்கப்பட்டுள்ளது.
விஷ்ணு மஞ்சுவின் கலையுலக செல்வாக்கை கோடிட்டு காட்டும் வகையில் அவருக்கு வழங்கப்பட்டிருக்கும் இந்த கெளரவத்தை அவரது ரசிகர்கள் கொண்டாடி வருவதோடு, பலர் அவருக்கு வாழ்த்துகளும் தெரிவித்து வருகிறார்கள்.
ஐக்கிய அரபு எமிரேட்ஸின் கோல்டன் விசா என்பது பல்வேறு துறைகளில் மகத்தான சாதனை படைத்தவர்களுக்கு வழங்கப்படும் கெளரவம் மிக்க மரியாதையாகும்.
