வைபவ், நிஹாரிகா, சுனில், கருணாகரன் உள்ளிட்ட தேர்ந்த நடிகர், நடிகைகள் நடித்திருக்கும் பொழுதுபோக்குத் திரைப்படம் ‘பெருசு.’
இளங்கோ ராம் இயக்கியிருக்கும் இந்த படம் ஸ்டோன் பெஞ்ச் ஃபிலிம்ஸின் 16-வது தயாரிப்பாக உருவாகிறது. வரும் கோடை விடுமுறை காலத்தில் வெளியாகவிருக்கிறது.
படம் குறித்து பேசிய ஸ்டோன் பெஞ்ச் தலைமை நிர்வாக அதிகாரி எஸ். கார்த்திகேயன், “’பெருசு’ படத்திற்காக இயக்குநர் இளங்கோ ராமுடன் இணைந்ததில் மகிழ்ச்சியடைகிறோம். இந்தபடத்தின் புதிய கதைசொல்லல் ரசிகர்களை ஆச்சரியப்படுத்தும். இது நிச்சயம் முழுமையான பொழுதுபோக்குப் படமாக இருக்கும்” என்றார்.
தனது ஆக்கப்பூர்வமான கதை சொல்லல் மற்றும் புது திறமையாளர்களை அறிமுகப்படுத்துவதற்கு பெயர் போனது ஸ்டோன் பெஞ்ச் நிறுவனம். இந்த வரிசையில் ‘பெருசு’ படமும் அடங்கும். தமிழ்நாடு மற்றும் ஆந்திரா/தெலுங்கானா முழுவதும் உள்ள பார்வையாளர்களை கவரும் வகையில் ஈர்க்கக்கூடிய கதையாக இது உள்ளது.
இந்த படத்துக்காக ஸ்டோன் பெஞ்சுடன் ஹர்மன் பவேஜா, எம்பர்லைட் ஸ்டுடியோஸ் மற்றும் சசி நாகா ஆகியோர் கைகோர்த்துள்ளனர்.