மனித உயிர் எவ்வளவு முக்கியமோ அதைப்போலவே மற்ற உயிரினங்களின் உயிரும் முக்கியம் என்பதை வலியுறுத்தும் படைப்பாக உருவாகியுள்ள பனி படத்தில்
கேத்ரின் தெரசா முதன்மை கதாபாத்திரத்திலும், மகேஷ் ஸ்ரீராம் முக்கிய வேடத்திலும் நடிக்கின்றனர். பாம்பு ஒன்று கதாபாத்திரமாக வருகிறது.
சஸ்பென்ஸ் திரில்லராக வி என் ஆதித்யா இயக்கும் இந்த படத்தில் உயர்தர அனிமேஷன் காட்சிகள் இடம்பெற்றுள்ளன.
‘கேத்தரின் தெரசா கதைக்கு மிகப்பொருத்தமானவர் என்பதை படம் பார்க்கும்போது ரசிகர்கள் உணர்வார்கள்; அந்த அளவுக்கு அவரது நடிப்பு படத்திற்கு பெரும் பலமாக இருக்கிறது’ என்கிறார்கள் படக்குழுவினர்.
இந்த படத்தின் பத்திரிகையாளர் சந்திப்பு ஹைதராபாத்தில் நடந்தது. புகழ்பெற்ற இயக்குநர் கே. ராகவேந்திரராவ் சிறப்பு விருந்தினராக கலந்துகொண்டு
படத்தின் மோஷன் போஸ்டரை வெளியிட்டார்.
OMG புரொடக்ஷன்ஸ்’ டாக்டர் மீனாட்சி அனிபிண்டி தயாரித்துள்ள இந்த படம் வரும் மே மாதம் இந்தி, தெலுங்கு, தமிழ், கன்னடம், மலையாளம் உள்ளிட்ட மொழிகளில் வெளியாகிறது.
