டி.ராஜேந்தர் இயக்கி நடித்த படங்கள் தமிழ்த் திரையுலகில் செய்த சாதனைகள் மிகப் பெரியது. அந்த வெற்றிப் படங்களில் ஒன்றான ‘உயிருள்ளவரை உஷா’ புதிய டிஜிட்டல் இசையோடு, நவீன தொழில்நுட்ப கலையோடு 4k தரத்தில் ரீ ரிலீஸுக்கு தயாராகிறது.
டி ஆர் டாக்கீஸ் என்ற புதிய நிறுவனத்தை தொடங்கியிருக்கும் டி ராஜேந்தர் அதன் தொடக்கமாக உயிருள்ளவரை உஷா படத்தை வெளியிடுகிறார்.
இந்த தகவலை தெரிவிப்பதற்காக இன்று பத்திரிகையாளர்களைச் சந்தித்த டி ராஜேந்தர் படத்தின் போஸ்டரை வெளியிட்டார்.
படத்தில் டி.ராஜேந்தர், நளினி, சரிதா, ராதாரவி, கவுண்டமணி, வெண்ணிற ஆடை மூர்த்தி, அமரர்களான கங்கா, எஸ்.எஸ்.சந்திரன், இடிச்ச புளி செல்வராஜ், காந்திமதி உள்ளிட்ட பலர் நடித்திருக்கிறார்கள்.
டி.ஆர்.டாக்கீஸ் ‘மைதிலி என்னை காதலி’, ‘ஒரு தலை ராகம்’, ‘என் தங்கை கல்யாணி’, டி.ஆர்.சிலம்பரசன் கதாநாயகனாக அறிமுகமான ‘காதல் அழிவதில்லை’, ‘சரவணா’, ‘இது நம்ம ஆளு’, ‘மோனிஷா என் மோனலிசா’, ‘சொன்னால் தான் காதலா’, சின்னஞ் சிறுவனாக, கதையின் நாயகனாக டி.ஆர்.சிலம்பரசன் நடித்த ‘எங்க வீட்டு வேலன்’ உள்ளிட்ட திரைப்படங்களையும் ரீ ரிலீஸ் செய்யவிருக்கிறது.
இந்தத் திரைப்படங்களின் புரமோஷனுக்காக ‘டி.ஆர்.டாக்கீஸ்’ யூடியூப் சேனலாகவும் விரைவில் வெளிவருகிறது.
