விக்னேஷ்வர் நாயகனாகவும், சஹானா நாயகியாகவும் நடித்துள்ள ‘உயிர் மூச்சு’ திரைப்படம் அடுத்த மாதம் வெளியாகவிருக்கிறது.
படத்தில் தீபாசங்கர், மீசை ராஜேந்திரன், டெலிபோன் ராஜ், கிங்காங், திருப்பாச்சி பெஞ்சமின் உள்ளிட்ட பலர் நடித்துள்ளனர்.
படத்தை இயக்கி, இசையமைத்து, எடிட்டிங் பணியையும் கவனித்துள்ளார் பிராட்வே சுந்தர். படம் பற்றி அவரிடம் பேசியபோது, ”நாட்டில் பட்டப்படிப்பு படித்து பலரும் வேலை தேடி அலையும் இந்த காலத்தில் வேலைக்காகவும், மருத்துவத்திற்காகவும் அவர்கள் ஏங்கி தவிக்கிறார்கள். அதற்காக அவர்கள் செல்லும் இடங்களில் லஞ்சம் என்ற போர்வையில் சில வஞ்சகர்கள் அவர்களை இம்சை படுத்துகிறார்கள். லஞ்சம் கொடுக்க முடியாத நாயகன் வாழ்வில் நடைபெறும் பரபரப்பான சம்பவங்களை வைத்து விறுவிறுப்பான திரைக்கதை அமைத்துள்ளேன். இதில் மதுபோதையால் சீரழியும் குடும்பம், மாரடைப்பு ஏற்பட்டால் செய்ய வேண்டிய முதலுதவி என வாழ்வியலுக்கு தேவையான தேவைகளையும் இணைத்து சமூக விழிப்புணர்வு படமாக உருவாக்கியுள்ளேன்” என்றார்.
படக்குழு:-
தயாரிப்பு – ஜோரா சினிமாஸ்’ மெர்சி ரோஸ்லின் ஜோதிமணி
கதை, வசனம் – ஜோதிமணி
பாடல்கள் – பிராட்வே சுந்தர், ஐ. செல்வகுமார்
ஒளிப்பதிவு – வெங்கடேஷ்
நடனப் பயிற்சி – கமல்
இணை இயக்கம் – விஷ்ணு மகேஷ்
