ஆர்.எஸ். கார்த்திக், லிங்கா, கல்பிகா, மோனிஷா முரளி, வினோதினி வைத்தியநாதன், ஜானகி சுரேஷ், மேக் மணி, சிவம், டென்னிஸ் இம்மானுவேல் உள்ளிட்ட பலர் நடித்துள்ள படம் ‘பரோல்.’ குடும்ப உறவுகளின் பின்னணியில் புதுமையான கேங்ஸ்டர் ஆக்சன் படமாக துவாரக்ராஜா இயக்கியுள்ளார்.
வரும் நவம்பர் 11 -ம் தேதி தியேட்டர்களில் வெளியாகவுள்ள இந்த படத்தின் பத்திரிகையாளர் சந்திப்பு சென்னையில் நடந்தது.
நிகழ்வில் படத்தின் நாயகன் ஆர்.எஸ். கார்த்திக், ”இந்த படம் ஒரு தாய்க்கும், அவரது இரு மகன்களுக்கும் இடையிலான கதை. வட சென்னையை பற்றிய கதைகள் எப்பொழுதும் தீவிரமான மற்றும் அழுத்தமான படைப்பாக இருக்கும். அது போலவே இந்த படத்தின் உள்ளடக்கம் அனைவரையும் ஈர்க்க கூடிய ஒன்றாக இருக்கும். இந்த படம் தியேட்டரில் வெளியாகிறது, இந்த படத்திற்கு உங்களது ஆதரவு தேவை. இந்த படத்தின் வெற்றி இது போன்று உள்ள படங்கள் கொண்ட கதை வெற்றி பெற ஆரம்பப் புள்ளியாக இருக்கும்” என்றார்.
சிறப்பு விருந்தினர் நாஞ்சில் சம்பத் “இயக்குநர் மிகவும் நுணுக்கமான கதையை அடையாளம் கண்டு, திரைக்கதை அமைத்திருக்கிறார். இந்த கதையில் அம்மாவிற்கும் மகனுக்குமான பாசத்தை அழகான திரைக்கதையாக வடிவமைத்து இருக்கிறார். வித்தியாசமான சிந்தனைகள் கொண்ட ஆட்கள் எப்பொழுதும் வெற்றி பெறுவார்கள். அந்த வகையில் இந்த படமும், இந்த படக்குழுவும் கண்டிப்பாக வெற்றி பெறும். அனைவருக்கும் வாழ்த்துக்கள்” என்றார்.
இயக்குனர் துவாரக் ராஜா “இந்த படம் ஒரு குடும்பத்தை பற்றிய கதை. குடும்பங்களில் நாம் பார்க்காத ஒரு பக்கத்தை பற்றிய கதை இது. ஆண்களால் ஏற்படும் பிரச்சனையை, பெண்கள் தீர்ப்பதாய் இருக்கும். படத்தில் நடித்த பெண் கதாபாத்திரங்கள் அனைவரும் அந்த உணர்வுகளை சிறப்பாக கடத்தியுள்ளனர்” என்றார்.
படக்குழு:-
இயக்குனர் – துவாரக் ராஜா
தயாரிப்பாளர் – மதுசூதனன்
இசையமைப்பாளர் – ராஜ்குமார் அமல்
ஒளிப்பதிவாளர் – மகேஷ் திருநாவுக்கரசு
எடிட்டர் – முனிஸ்
கலை இயக்குனர் – அருண்குமார்.A
செயல் – ஓம் பிரகாஷ் S.D
ஆடை வடிவமைப்பாளர் – அகிலன் ராம்
டிஐ – ப்ரிஸம் & பிக்சல்கள் Prism & Pixels
மக்கள் தொடர்பு – சதீஷ் (AIM)
கிரியேட்டிவ் ப்ரோமோஷன்கள் – CTC MediaBoy
இன்ஹவுஸ் பப்ளிசிட்டி – லக்ஸ் என்டர்டைன்மெண்ட்
இசை பார்ட்னர் – ட்ரெண்ட் மியூசிக்
விஷுவல் எஃபெக்ட்ஸ் – ஜெகன்
டப்பிங் – ஜி ஸ்டுடியோஸ்
ஒலி வடிவமைப்பு – ராஜ்சேகர்.K (ரெசனன்ஸ் ஸ்டுடியோ)
மிக்சிங் – RT ஸ்டுடியோஸ்
