‘ஈரம்’ அறிவழகன் இயக்கத்தில், அருண் விஜய் நடித்துள்ள, ‘பார்டர்’ திரைப்படம் உலகமெங்கும் வரும் அக்டோபர் 5-ம் தேதி வெளியாகிறது.
நடிகர் அருண் விஜய் தொடர்ச்சியாக வெற்றிப்படைப்புகளை தந்து கவனம் ஈர்த்து வருகிறார். அவரது நடிப்பில் திரையரங்குகளில் வெளியான ‘யானை’ திரைப்படம் ப்ளாக்பஸ்டர் ஹிட்டாக, ஓடிடியில் வெளியான ‘தமிழ் ராக்கர்ஸ்’ தொடர் மிகப்பெரும் வரவேற்பை பெற்றுள்ளது. இரண்டு படைப்புகளும் ரசிகர்களிடத்திலும், விமர்சகர்களிடத்திலும் ஒருங்கே பாராட்டை குவித்துள்ளது.
தொடர் வெற்றிகளால் வர்த்தக வட்டாரங்களிடையே அருண் விஜய் படங்களுக்கு பெரிய மதிப்பு ஏற்பட்டுள்ளது.
‘பார்டர்’ படம் அறிவிக்கப்பட்டதிலிருந்தே பெரும் எதிர்பார்ப்பை ஏற்படுத்தியது. இப்படத்தின் டிரெய்லர் ரசிகர்களிடையே ஆர்வத்தை தூண்டியுள்ளது.
இப்படத்தின் அகில இந்திய திரையரங்க உரிமையைப் பெற்றுள்ள 11:11 புரொடக்ஷன் (11:11 Production) டாக்டர். பிரபு திலக், தமிழ் திரையுலகில் பெரிதும் எதிர்பார்க்கப்படும் படங்களில் ஒன்றான அருண் விஜய் சாரின் பார்டர்’ படத்தை எங்கள் நிறுவனத்தின் சார்பில் வெளியிடுவது மகிழ்ச்சி.
நாங்கள் எங்கள் தயாரிப்பு நிறுவனத்தில் எப்போதும் உள்ளடக்கத்தில் சிறந்த திரைப்படங்களை தயாரித்து வெளியிடவே விரும்புகிறோம், சிறந்த பொழுதுபோக்குடன் பார்வையாளர்களின் இதயம் கவரும் படங்களை வெளியிடுவதே எங்கள் நோக்கம். சந்தேகத்திற்கு இடமின்றி, பார்டர் படம் அனைத்து அம்சங்களையும் ஒருங்கே கொண்டுள்ளது.
தனித்துவமான திரைக்கதைகள் மூலம் தமிழ் திரையுலகில் மதிப்புமிக்கவராக போற்றப்படும் இயக்குநர் அறிவழகன், இப்படத்தில் உச்சம் தொட்டுள்ளார். இந்த திரைப்படத்தில் ஈடுபட்டுள்ள தொழில் நுட்ப திறமையாளர்களின் அருமையான உழைப்பு, அருண் விஜய் சாரின் அற்புதமான நடிப்பு படத்தினை மிகச்சிறந்ததாக மாற்றியுள்ளது. நாங்கள் இப்படத்தினை மிகப்பெரிய அளவில் வெளியிட திட்டமிட்டுள்ளோம்” என்றார்.
இந்த படத்தில் அருண் விஜய், ரெஜினா கசாண்ட்ரா, ஸ்டெஃபி படேல் என ஒரு பெரும் நட்சத்திரப் பட்டாளம் நடித்துள்ளது. ஆல் இன் பிக்சர்ஸ் (All in Pictures) டி. விஜயராகவேந்திரா தயாரித்துள்ள இப்படத்தில் சாம் CS (இசை), B ராஜசேகர் (ஒளிப்பதிவு), சாபு ஜோசப் (எடிட்டிங்), ஷக்தி வெங்கட்ராஜ் M (கலை இயக்கம்), ஹீரா அறிவழகன் (ஆடை வடிவமைப்பாளர்), விவின் S.R. (நிர்வாகத் தயாரிப்பாளர்), உமேஷ் பிரணவ் (கிரியேட்டிவ் தயாரிப்பாளர்), & Sync Cinema (ஒலி வடிவமைப்பு) ஆகியோர் பணியாற்றியுள்ளனர்.
