தமிழ் சினிமாவில் ‘அடுத்த சூப்பர் ஸ்டார் யார்?’ என்ற விவாதம் நடந்து கொண்டிருக்கும் சூழலில் ஒருவர் ‘BIG ஸ்டார்‘ என்கிற பட்டத்தோடு பிரபஞ்சன் என்பவர் ‘ 90’ஸ் கிட்ஸ் பரிதாபங்கள்‘ என்கிற படத்தில் கதாநாயகனாக நடிக்கிறார் என்கிற தகவல் வெளியாகியுள்ளது.
அதையடுத்து சினிமா ரசிகர்களிடம் அந்த ‘BIG ஸ்டார்’ யாராக இருக்கும் என்ற எதிர்பார்ப்பு எழுந்துள்ளது.
அதற்கான விடையும், படம் சொல்லும் கதை என்ன, படம் எதைப் பற்றிப் பேசுகிறது என்கிற விவரங்களும் விரைவில் தெரியவரும்.
இந்த படத்தில் பல முன்னணி நடிகர்கள், நடிகைகள் நடிக்க, இயக்குநர் கே. பாக்யராஜ் மிக முக்கிய கதாபாத்திரம் ஏற்கிறார்.
‘திட்டிவாசல்’ படத்தின் இயக்குநர் மு.பிரதாப் முரளி, ரிவான் என்னும் புனைபெயரில் இயக்கும் இப்படத்தை ‘என் & என் சினிமாஸ்’ சார்பில் கோவை சசிகுமார் தயாரிக்கிறார்.
படப்பிடிப்பு கோவை, நீலகிரி மற்றும் சென்னையில் மிக வேகமாக நடைபெற்று வருகிறது.
இந்த படத்திற்கு ஜெர்மன் விஜய் இசையமைக்கிறார். பாடல் வரிகளை பா. விஜய் எழுத ஹரிஹரன் ஹரிணி, பாம்பே ஜெயஸ்ரீ , ஜாசி கிப்ட், திப்பு உள்ளிட்ட முன்னணி பாடகர்கள் பாடியிருக்கிறார்கள்.
