ஷாம் நடிக்கும் புதிய படத்தை, விஜயகாந்த் நடித்த ‘கண்ணுபட போகுதய்யா’ என்ற சூப்பர் ஹிட் படத்தை இயக்கிய எம்.பாரதி கணேஷ் இயக்குகிறார்.
இன்றைய 5G ஜெனேரேஷன் காலகட்டத்தில் இருக்கும் குழந்தைகளின் மனநிலை, அறிவு, ஆற்றல் செயல்பாடுகள் மற்றும் இன்றைய சமூக சூழ்நிலைகள், வாழ்வியலின் பார்வை பற்றிய உணர்வுப்பூர்வமான கருத்தினை விளக்கும் ஒரு பதிவாக, சென்னை சிட்டியில் நடக்கும் ஒரு நல்ல கதையம்சத்துடன் இந்த படம் தயாராகவுள்ளது.
படத்துக்கு ‘இசைஞானி’ இளையராஜா இசையமைக்கவுள்ளார். இன்று இசைஞானியின் 80வது பிறந்த நாளன்று அவரிடம் நேரில் ஆசி பெற்று இந்த படத்தின் படப்பிடிப்பை பூஜையுடன் துவங்கி உள்ளனர்.
முக்கிய கதாபாத்திரங்களில் நடிகர்கள் ராதாரவி, சந்தானபாரதி, குமரன் (மகாலட்சுமி பெண்கள் கல்லூரி MD), அஜய் (ஜமீலா A.K), ஆஷிகா யாஷ், பெங்களூரு ஈஸ்வரி அம்மா, ஜாஸ்பர், மணிரத்னம், மானஸ்வி கொட்டாச்சி, விஷ்வநாதன் பிரபாகரன், ஆவடி லயன் செந்தில் அரசு, ஷிவானி ஹரிகுமார், ராக்ஸ்டார் கமலேஷ், ஆர்வன் வெற்றி இளங்கோ, முகுந்தன் மற்றும் நிஜய் என்ற திண்டுக்கல் நஷிர் ஆகியோர் நடிக்கின்றனர்.
இந்த படத்தின் படப்பிடிப்பு ஜூன் 2-ம் தேதி, இசைஞானியின் 80-வது பிறந்தநாளில் தொடங்குகிறது.
5E கிரியேசன்ஸ் சார்பில் சுஜன் சாமுவேல் ராய், ஹரிஷ் முத்தால செட்டி மற்றும் சமீர் அமர்தீன் ஆகியோர் தயாரிப்பில் தற்காலிகமாக ‘நம்பர் 1 புரொடக்சன்’ என பெயரிடப்பட்டு உருவாகவுள்ள இந்த படத்தின் டைட்டிலை விரைவில் வெளியிடவிருக்கிறார்கள்.
திரைப்பட உருவாக்கக் குழு:
கதை திரைக்கதை, வசனம், இயக்கம் – எம். பாரதி கணேஷ் MA, DFTech
தயாரிப்பாளர்கள் – சுஜன் சாமுவேல் ராய், ஹரிஷ் முத்தால செட்டி, சமீர் அமர்தீன்
இணை தயாரிப்பு – சிட்டி கிளப் இராஜேந்திரன். எஸ் எஸ் அன்பு தெட்சிணாமூர்த்தி
ஒளிப்பதிவு – எம்.எஸ்.பிரபு DF Tech
படத்தொகுப்பு – நாகூர் ராமச்சந்திரன் DF Tech
மக்கள் தொடர்பு – ஏ.ஜான்
இணை இயக்குநர் – வி.ராமச்சந்திரன்
இணை இயக்குநர் மற்றும் நிர்வாக இயக்குநர் – பவித்ரா தேவராஜன் பி.இ.
தயாரிப்பு மேற்பார்வை – ஏவி.பழனிச்சாமி
