எஸ் எழில் இயக்கும் படங்களில் மனதை தொடும் இதமான காதல், அதிரும் காமெடி, ஆக்ஷன், சென்டிமென்ட் என அனைத்து அம்சங்களும் நிறைந்திருக்கும். படம் பெரியளவில் வெற்றி பெறும். அப்படி ஹிட்டடித்த படங்களில் ஒன்று ‘தேசிங்குராஜா.’
அந்த படத்தின் 2ம் பாகம் 10 வருடம் கழித்து, ‘தேசிங்குராஜா 2’ என உருவாகி வரும் ஜூலை 11ம் தேதி கோடை கொண்டாட்டமாக உலகமெங்கும் வெளியாகவுள்ளது.
‘தேசிங்குராஜா’ பட நாயகன் விமல் இந்த பாகத்திலும் நடிக்கிறார். முக்கிய கேரக்டரில் ஜனா நடிக்கிறார். தெலுங்கில் ராம் சரண் நடித்து ஹிட்டான ‘ரங்கஸ்தலம்’ படத்தில் நடித்த பூஜிதா பொனாடா மற்றும் தெலுங்கு படங்களில் நடித்து வரும் ஹர்ஷிதா இருவரும் கதாநாயகிகளாக நடிக்கிறார்கள்.
வெவ்வேறு நோக்கங்களுடன் கல்லூரியில் படிக்கும் நான்கு நண்பர்கள் வேறு வேறு பாதையில் பயணிக்கிறார்கள். இவர்களுடைய வாழ்க்கை எப்படி இருந்தது.. இவர்கள் எந்த சூழ் நிலையில் மீண்டும் சந்திக்கிறார்கள் என்கிற கதை முழுக்க முழுக்க காமெடியாக உருவாகியுள்ளது.
விஜய் நடித்த ‘துள்ளாத மனமும் துள்ளும்’, அஜித் நடித்த ‘பூவெல்லாம் உன் வாசம்’, ‘ராஜா’ , சிவகார்த்திகேயன் நடித்த ‘மனம் கொத்திப் பறவை’, பிரபுதேவா, சரத்குமார் நடித்த ‘பெண்ணின் மனதை தொட்டு’, ஜெயம்ரவி நடித்த ‘தீபாவளி’, விஷ்ணு விஷால் நடித்த ‘வேலைன்னு வந்துட்டா வெள்ளக்காரன்’ போன்ற பல சூப்பர் ஹிட் படங்களை இயக்கியவர் எஸ் எழில்.
