இந்தியாவின் முதல் தபால்காரரின் கதையைச் சொல்லும் பின்னணியில் கமர்ஷியல் படைப்பாக உருவாகியுள்ள படம் ‘ஹர்காரா.’
‘வி 1 மர்டர் கேஸ்’ படம் மூலம் நாயகனாக அறிமுகமான ராம் அருண் காஸ்ட்ரோ இந்த படத்தில் கதாநாயகனாக நடித்துள்ளார். இந்த படத்தின் மூலம் அவர் இயக்குநராகவும் அறிமுகமாகிறார்.
நாயகியாக கௌதமி நடிக்க, படத்தின் மற்றொரு நாயகனாக காளி வெங்கட் நடித்துள்ளார். பிச்சைக்காரன் ராமமூர்த்தி, ஜெயபிரகாஷ் ராதாகிருஷ்ணன் முக்கிய பாத்திரங்களில் நடித்துள்ளனர். தற்காலத்தில் டிஜிட்டல் வசதிகள் எதுவுமே இல்லாத ஒரு மலைக்கிராமத்திற்குச் செல்லும் போஸ்ட்மேன் அங்கு படும் அவஸ்தையும், அங்கு வாழும் மக்களின் வாழ்க்கையும், பின்னணியாகக் கொண்டு கதை அமைக்கப்பட்டுள்ளது. இதன் பின்னணியில் இந்தியாவின் முதல் போஸ்ட்மேன் பற்றிய ஆச்சரிய எபிஸோடும் படத்தில் உள்ளது.
முழுக்க முழுக்க தேனி அருகில் மலைக் கிராமங்களில் படப்பிடிப்பு நடத்தப்பட்டுள்ளது.
தபால்காரர்களைக் கௌரவப்படுத்தும் வகையில் உருவாகியிருக்கும் இந்த படத்தின் ‘ஃபர்ஸ்ட் லுக்’ எனப்படும் முதல் பார்வை போஸ்டரை தமிழ்நாடு தபால் துறை தலைமை அதிகாரி ஜெனரல் திருமதி சாருகேசி வெளியிட்டார்.
நாயகனின் வித்தியாசமான தோற்றத்துடன் இந்தியாவின் முதல் போஸ்ட்மேன் எனும் டேக்லைனுடன், வெளியாகியிருக்கும் ஃபர்ஸ்ட் லுக் ரசிகர்களிடம் பெரும் வரவேற்பைப் பெற்றுள்ளது. படத்தின் மீதான ஆர்வத்தையும் தூண்டுவதாகவும் அமைந்துள்ளது.
படத்தின் ஃபர்ஸ்ட் லுக்கை வெளியிட்ட தமிழ்நாடு தபால் துறை தலைமை அதிகாரி பேசும்போது “பல நூற்றாண்டுகளாக தகவல் தொடர்புக்கான ஒரு ஊடகமாக சேவை செய்யும் அஞ்சல் துறை, நமது குடிமக்களின் இதயங்களில் எப்போதும் சிறப்பு இடத்தைப் பிடித்துள்ளது. தபால்காரர்களின் சிறப்பான பங்களிப்பை கவுரவிப்பதற்கும், அவர்களின் பயணம், சவால்கள் மற்றும் வெற்றிகள் குறித்து வெளிச்சமிட்டு காட்டுவதற்கும் இந்த படம் ஒரு வாய்ப்பாகும்.
இப்படிப்பட்ட ஒரு சிறந்த படைப்பு மிகப்பெரிய வெற்றியடைய எனது மனமார்ந்த வாழ்த்துகளைத் தெரிவித்துக் கொள்கிறேன். இந்த சினிமா முயற்சியானது, நமது அஞ்சல் துறையின் முக்கியத்துவம் மற்றும் தபால்காரர்களால் ஆற்றப்படும் தன்னலமற்ற சேவையைப் பற்றி இன்றைய தலைமுறைக்கு தெரியப்படுத்தும்” என்றார்.
இந்த படத்தின் இசை மற்றும் திரையரங்கு வெளியீடு குறித்த அறிவிப்புகள் விரைவில் வெளியாகும்.
படக் குழு:-
தயாரிப்பு நிறுவனம்: KALORFUL BETA MOVEMENT
தயாரிப்பாளர்: N.A.ராமு / சரவணன் பொன்ராஜ்
இணை தயாரிப்பாளர்: அரவிந்த் தர்மராஜ் / தீனா
இயக்குநர்: ராம் அருண் காஸ்ட்ரோ
ஒளிப்பதிவு: பிலிப் R. சுந்தர் / லோகேஷ் இளங்கோவன்
இசையமைப்பாளர்: ராம் சங்கர்
எடிட்டர் : டானி சார்லஸ்
கலை இயக்குநர்: VRK ரமேஷ்
