அறிமுக நடிகர் துஷாந்த் அதிரடியாக முதல் படத்திலேயே மூன்று வேடங்களில் நடிக்கும் படம் ‘இருளில் ராவணன்.’
‘பத்து என்றதுக்குள்ள’, ‘ரங்கூன்’ உள்ளிட்ட படங்களில் நடித்துள்ள மலையாள நடிகை ஸ்ரீது கிருஷ்ணன் இந்த படத்தின் மூலம் கதாநாயகியாக அறிமுகமாகிறார். அஜித் கோஷி, பாய்ஸ் ராஜன், சந்திரமௌலி, போராளி திலீபன், விஜய் டிவி முல்லை, யூடியுபர் கட்டெறும்பு ஸ்டாலின் ஆகியோர் முக்கிய கதாபாத்திரங்களில் நடித்துள்ளனர்.
கதை, திரைக்கதை, வசனம் எழுதி இந்த படத்தின் மூலம் இயக்குநராக அறிமுகமாகிறார் ஏ.வி.எஸ். சேதுபதி. படம் பற்றி அவரிடம் கேட்டபோது, ‘‘இது முழுக்க முழுக்க ராவண தேசத்தில் நடைபெறும் ஆக்ஷன் கலந்த கிரைம் திரில்லர் படம். வீழ்ந்தவன் எழுந்தால் விபரீதங்களும் விளையும் என்பதுதான் படத்தின் மையக்கரு.
முதற்கட்ட படப்பிடிப்பு முடிவடைந்த நிலையில் இறுதிக்கட்ட படப்பிடிப்பு தற்போது இராமநாதபுரம் மற்றும் அதனை சுற்றியுள்ள பகுதிகளில் விறுவிறுப்பாக நடைபெற்று வருகிறது.
விரைவில் படத்தின் இசை வெளியீட்டு விழா பிரமாண்டமாக நடைபெற உள்ளது” என்றார்.
இந்த படத்தின் ஃபர்ஸ்ட் லுக் போஸ்டரை இசையமைப்பாளர் ஜி.வி. பிரகாஷ் வெளியிட்டு படக்குழுவை வாழ்த்தினார்.
உருவாக்கத்தில் உறுதுணை:-
தயாரிப்பு – DUNSTAN INTERNATIONAL FILM CORPORATION
இசை – மெமரீஸ், க் போன்ற படங்களுக்கு இசையமைத்த கவாஸ்கர் அவினாஸ்
ஒளிப்பதிவு – ஆற்றல், சிக்லேட்ஸ் படங்களின் ஒளிப்பதிவாளர் ஆர்.கொளஞ்சி குமார்
எடிட்டிங் – அப்பா, போராளி, நாடோடிகள், ஈசன் போன்ற படங்களுக்கு எடிட்டிங் செய்த ஏ எல் ரமேஷ்
நடனம் – விஜய், அஜித் உட்பட பல முன்னணி நடிகர்களின் படங்களுக்கு நடனம் அமைத்த தினேஷ் மாஸ்டர்
கலை இயக்கம் – மதன்
தயாரிப்பு மேற்பார்வை – தண்டபாணி
மக்கள் தொடர்பு – மணவை புவன்