‘கலக்கப் போவது யாரு’ என்ற விஜய் டீவியின் ரியாலிடி ஷோ மூலம் பிரபலமான நவீன் நாயகனாக அறிமுகமாகும் படம் ‘காட்டேஜ்.’ இந்த படத்தில் ஆரியா செல்வராஜ், கஜராஜ், தர்மா, விக்னேஷ் ராமமூர்த்தி ஆகியோர் முக்கிய பாத்திரங்களில் நடிக்கின்றனர்.
சதீஷ் கீதாகுமார், நந்தினி விஸ்வநாதன் இணைந்து இயக்கியிருக்கும் இந்த படத்தின் ஃபர்ஸ்ட் லுக் படம் மீதான எதிர்பார்ப்பைத் தூண்டியிருக்கிறது. படம் விரைவில் திரையரங்குகளில் வெளியாகவிருக்கிறது.
ஒரு காட்டேஜ், ஒரு தம்பதி, அவர்களை அமானுஷ்யமாக பின் தொடரும் ஒரு மனிதன் அப்போது நடக்கும் கொலை. இப்படி நகரும் கதையில் கொலையை செய்தது யார் என்பதை ரசிகர்களை இருக்கை நுனியில் அமர்ந்து கவனிக்கச் செய்யும் விதத்தில் பரபரப்பான திரைக்கதையில் மர்டர் மிஸ்டரி திரில்லர் சப்ஜெக்டில் உருவாகியிருக்கிறது இந்த படம்.
முழுக்க முழுக்க ஊட்டி பின்னணியை கதைக்களமாக கொண்ட இந்த படத்தின் மொத்த படப்பிடிப்பும் ஊட்டியில் 25 நாட்களில் நடத்தி முடிக்கப்பட்டுள்ளது.
படக்குழு:
தயாரிப்பு நிறுவனம் : Evolution entertainment
இணை தயாரிப்பு : Blueberry studios
ஒளிப்பதிவு , படத்தொகுப்பு : சதீஷ் கீதா குமார்
இசை : செந்தமிழ்
பாடல்கள் : கு.கார்த்திக்
ஸ்டன்ட் : டேன்ஜர் மணி
கலை : தினேஷ் மோகன்
உடைகள் : அக்ஷியா & விஷ்மியா
மக்கள் தொடர்பு – சதீஷ் (AIM)
