இ.வி.கணேஷ்பாபு இயக்கி கதாநாயகனாக நடித்து, ஆடியோ ரிலீசுக்கு தயாராகியிருக்கிறது கட்டில் திரைப்படம்.
மேப்பிள் லீஃப்ஸ் புரொடக்சன்ஸ் தயாரிப்பில் உருவாகியுள்ள இந்த படம் பெங்களூரில் நடைபெற்றுக் கொண்டிருக்கும் இன்னோவேட்டிவ் சர்வதேச திரைப்பட விழாவுக்கு ( Bangalore Innovative international film festival )
தேர்வு செய்யப்பட்டது.
அதையடுத்து 15.10.2021 அன்று மதியம் பெங்களூர் இன்னோவேட்டிவ் மல்டிபிளக்ஸ் திரையரங்க வளாகத்தில் ஸ்கிரீன் 6ல் கட்டில் திரைப்படம் உலக திரைப்பட ஜாம்பவான்கள் மத்தியில் திரையிடப்பட்டது.
சிருஷ்டி டாங்கே கதாநாயகியாக நடித்திருக்கும் இத்திரைப்படத்திற்கு எடிட்டர் பீ.லெனின் கதை திரைக்கதை வசனம் எழுதி இருக்கிறார்.
”விரைவில் தியேட்டரில் வெளியாக இருக்கும் கட்டில் பல்வேறு சர்வதேச திரைப்பட விழாக்களுக்கு தேர்ந்தெடுக்கப்படுவது மகிழ்ச்சி அளிக்கிறது” என்று படத்தின் இயக்குநர் இ.வி.கணேஷ்பாபு தெரிவித்தார்.
