‘யோகிபாபு இதுவரை நடித்த படங்களில் இது சிறந்த படமாக இருக்கும்’ என்கிற நம்பிக்கையை தருகிறது ‘பொம்மை நாயகி’ படம் குறித்த செய்திகளும் டிரெய்லரும்!
எளிய குடும்பத்து தகப்பனுக்கும் மகளுக்கும் இந்த சமூகத்தால் ஏற்படும் ஒரு சம்பவமும், அதை எதிர்கொள்ளும் தகப்பனின் உணர்வுப்பூர்வமான போராட்டமுமே ‘பொம்மை நாயகி’யின் கதைக்களம்.
யோகிபாபு இந்த படத்தில் தனித்தன்மையான நடிப்பை வழங்கியிருக்கிறார் என்கிறது படக்குழு.
அறிமுக இயக்குநர் ஷான் இயக்கத்தில் உருவாகியிருக்கும் இந்த படத்தில் யோகிபாபுவுடன், சுபத்ரா, ஹரி, ஜி என் குமார், அருள்தாஸ், ஜெயச்சந்திரன், லிசி ஆண்டனி உள்ளிட்டோர் நடித்திருக்கிறார்கள். யோகிபாபுவின் மகளாக ஸ்ரீமதி நடித்திருக்கிறார். கடலூர் மற்றும் சுற்றுவட்டாரங்களில் படப்பிடிப்பு நடைபெற்றிருக்கிறது.
இயக்குநர் பா.இரஞ்சித்தின் ‘நீலம் புரொடக்சன்ஸ்’, ‘யாழி பிலிம்ஸ்’ இணைந்து தயாரித்திருக்கும் இந்த படம் பிப்ரவரி 3-ம் தேதி தியேட்டர்களில் வெளியாகிறது.
படக்குழு:
ஒளிப்பதிவு -அதிசயராஜ்
இசை – சுந்தரமூர்த்தி
எடிட்டிங் – செல்வா RK
கலை- ஜெயரகு
பாடல்கள் – கபிலன், இளையகம்பன், ஜெயமூர்த்தி, அறிவு
ஸ்டண்ட் -ஸ்டன்னர் சாம்
உடைகள் – ஏகாம்பரம்