திகில், மர்மம், சஸ்பென்ஸ்… புத்தம்புது திரை அனுபவம் தரவிருக்கும் ‘ஒரு நொடி’ படத்தின் வெளியீட்டுப் பணிகள் தீவிரம்!

தமன்குமார் நடிப்பில், அறிமுக இயக்குநர் மணிவர்மன் இயக்கிய ‘ஒரு நொடி’ படத்தின் ஃபர்ஸ்ட் லுக் போஸ்டரை இன்று இசை அசுரன் ஜீ வி பிரகாஷ் குமார் வெளியிட்டார்.

வித்தியாசமான கதைக்களத்துடன் உருவாகியுள்ள இந்த படத்தில் ‘தொட்டால் தொடரும்’ பட நாயகனும் ‘அயோத்தி’ படத்தில் முக்கிய பாத்திரத்தில் நடித்தவருமான தமன் குமார் முற்றிலும் புதிய பாத்திரம் ஒன்றில் கதைநாயகனாக நடிக்கிறார்.

எம் எஸ் பாஸ்கர், வேல ராமமூர்த்தி, பழ கருப்பையா, தீபா ஷங்கர், சிவரஞ்சனி ஆகியோரும் முக்கிய கதாபாத்திரங்களை ஏற்றிருக்கின்றனர்.

முதல் படத்திலேயே முத்திரை பதிக்க விரும்பும் இயக்குநர், ஆர்வமும் நேர்மையும் மிக்க புதிய தயாரிப்பாளர், வளர்ந்து வரும் இளம் நடிகர் பட்டாளம் என்று ஆர்வம் மிக்க இந்தக் கூட்டணி திகில் மற்றும் மர்மம் நிறைந்த சஸ்பென்ஸ் கதை ஒன்றை புதிய கோணத்தில் சொல்லக் காத்திருக்கிறது. ரசிகர்கள் யூகிக்க முடியாத மர்ம முடிச்சுகள் படத்தின் இன்னொரு பலம்.

படப்பிடிப்பு முழுமையடைந்து போஸ்ட் புரடக்ஷன் பணிகள் வெகு மும்முரமாக நடந்து வருகின்ற நிலையில், வெகுவிரைவில் திரையில் இப்படத்தை காணலாம்.

பிரபல திரைப்பட தயாரிப்பாளரும், பாஃப்டா திரைப்படக் கல்லூரி நிறுவனரும், ‘காற்றின் மொழி’, ‘இவன் தந்திரன்’, ‘கோடியில் ஒருவன்’, ‘கொலைகாரன்’ போன்ற முக்கியமான படங்களை வெளியிட்ட விநியோகஸ்தருமான தனஞ்செயன் இப்படத்தை முன்னின்று வழங்குகிறார்.

உருவாக்கத்தில் உறுதுணை:-
தயாரிப்பு: மதுரை அழகர் புரடக்ஷன் கம்பெனி மற்றும் வொயிட் லேம்ப் பிக்ஷர்ஸ்
இசை: அறிமுக இசையமைப்பாளர் சஞ்சய் மாணிக்கம்
ஒளிப்பதிவு: கே .ஜி ரத்தீஷ்
கலை இயக்குநர்: எஸ் ஜே ராம்
படத்தொகுப்பு: எஸ் குரு சூர்யா
மக்கள் தொடர்பு : ஸ்ரீவெங்கடேஷ்

 

LEAVE A REPLY

Please enter your comment!
Please enter your name here