எங்களது கனவை நீங்கள் பார்க்க போகிறீர்கள்! -‘ஓ மை கோஸ்ட்’ படத்தின் இசை வெளியீட்டு விழாவில் நடிகை சன்னி லியோன் பேச்சு

சன்னி லியோன், சதீஷ் நடிப்பில், யுவன் இயக்கத்தில், வரலாற்றுப் பின்னணியில் உருவாகும்  ஹாரர் காமெடி திரைப்படம் ‘ஓ மை கோஸ்ட்.’

விரைவில் திரைக்கு வரவுள்ள இப்படத்தின் இசை வெளியீட்டு விழா திரைப் பிரபலங்கள் கலந்துகொள்ள 2.11. 2022 அன்று மாலை சென்னையில் பிரமாண்டமாக நடந்தது.

இசை, நடனம் என கொண்டாட்டமாக நடைபெற்ற விழாவில் பேசிய சன்னி லியோன், ”தமிழகம்  வந்து உங்களையெல்லாம் சந்தித்தது மகிழ்ச்சி. நீங்கள் கொடுக்கும் வரவேற்பும், அன்பும் எனக்கு மகிழ்ச்சியை தருகிறது. இந்த படத்திற்காக அனைவரும் கடின உழைப்பையும், அர்ப்பணிப்பையும் கொடுத்துள்ளோம். இந்த படத்தை பார்க்க உங்களது நேரத்தையும் பணத்தையும் நீங்கள் ஒதுக்குவதற்கு நான் நன்றி கூறிக்கொள்கிறேன். எங்களது கனவை நீங்கள் பார்க்க போகிறீர்கள். உங்களது அன்பும் ஆதரவும் எங்களுக்கு தேவை” என்றார்.

சதீஷ், ”இந்த படத்தின் கதையை இயக்குநர் சொன்னபோது, அதில் ஒரு முக்கிய கதாபாத்திரம் இருந்தது. அதில் சன்னி லியோன் நடிக்கிறார் என்றவுடன், நான் நடிக்க ஒத்து கொண்டேன். சன்னி லியோன் ஒரு சிறந்த மனிதநேயம் மிக்க நபர். அவரை நெருங்கவே நாங்கள் தயங்கி கொண்டு இருந்தோம். ஆனால் அவர் சுலபமாக மிக இயல்பாக எங்களிடம் பழகினார். அவர் இந்த படத்தில் மிகப்பெரிய அர்ப்பணிப்பை கொடுத்துள்ளார். சிறப்பாக நடித்துள்ளார். அனைவரும் கடின உழைப்பை கொடுத்து, இந்த படத்தை உருவாக்கியுள்ளோம். இந்த படம் உங்களுக்கு பிடிக்கும் என்று நம்புகிறேன்” என்றார்.

ஜிபி முத்து, ”இது தான் எனது முதல் திரைப்படம். இந்த படத்தில் எனக்கு சிறப்பான ஒரு கதாபாத்திரத்தை கொடுத்துள்ளனர். அந்த பாத்திரம் கண்டிப்பாக உங்களுக்கு பிடிக்கும்” என்றார்.

இயக்குநர் யுவன், இந்த படத்தின் தயாரிப்பாளர் மிக தீவிரமான சினிமா ரசிகர். அவரிடம் கதை சொன்ன போதே இந்தப்படத்தை வேறு உயரத்திற்கு கொண்டு சென்று விடுவார் என நம்பிக்கை வந்தது. சன்னி லியோன் வந்த பிறகு மிகப்பெரிய படமாக மாறியது. மொழி தெரியாமல் மிக அர்ப்பணிப்புடன் கற்றுக்கொண்டு நடித்தார். அவருடன் வேலை பார்க்க மிக எளிதாக இருந்தது. சதீஷ் மிக அருமையாக நடித்துள்ளார். படத்தில் அனைவருமே கடினமாக உழைத்துள்ளார்கள். கண்டிப்பாக அனைவரும் திரும்ப திரும்ப பார்க்கும் படியான படமாக இருக்கும்” என்றார்.

படம் பற்றி…

இந்த படத்தினை  VAU MEDIA ENTERTAINMENT சார்பில் டி.வீரா சக்தி, WHITE HORSE STUDIOS சார்பில் கே. சசிகுமார் இணைந்து தயாரிக்கின்றனர்.

சன்னி லியோன், சதீஷுடன் தர்ஷா குப்தா முக்கிய பாத்திரத்தில் நடிக்க, யோகிபாபு, மொட்டை ராஜேந்திரன், ரவி மரியா, ரமேஷ் திலக், அர்ஜுனன், தங்கதுரை உள்ளிட்ட முன்னணி நடிகர்கள் நடிக்கின்றனர்.

ஜாவித் ரியாஸ் இசையமைக்க, தீபக் D. மேனன் ஒளிப்பதிவு செய்துள்ளார்.

இசை வெளியீட்டு விழா புகைப்படத் தொகுப்பு:-