யூ டியூப் பிரபலம் புனிதம் கேர்ள் – நிஷாந்த் ரூஸோ நடிக்கும் ‘சித்தார்த்’ படப்பிடிப்பு துவங்கியது.

நிஷாந்த் ரூஸோ நடிக்கும் புதிய படம் ‘சித்தார்த்.’ ‘பன்றிக்கு நன்றி சொல்லி’, ‘பருந்தாகிறது ஊர் குருவி’ ஆகிய படங்களில் ஹீரோவாக நடித்தவர் இவர்.

ராஷ் யூ டியூபில் ‘புனிதம் கேர்ள்’ என்றழைக்கப்படுகிற ராஷ் (Razz) இந்த படத்தின் மூலம் ஹீரோயினாக அறிமுகமாகிறார்.

ஜூட் ரொமாரிக் கதை, திரைக்கதை, வசனம் எழுதி இயக்கும் இந்த படத்தில் முன்னணி நட்சத்திரங்கள் பலரும் நடிக்கவுள்ளனர்.

இந்த படத்தின் படப்பிடிப்பு இன்று காலை சென்னையில் எளிய பூஜையுடன் துவங்கியது. படப்பிடிப்பு சென்னை, ஏற்காடு மற்றும் புதுச்சேரியில் தொடர்ந்து நடைபெற வுள்ளது. படத்தை ‘எபிக் தியேட்டர்’ ஹரிஹரன் தயாரிக்கிறார்.படம் பற்றிய இயக்குநர் பேசும்போது, ”ஆசையே எல்லா அழிவுக்குமான காரணம் என்பதை எடுத்துச் சொல்லும் ஆக்ஷன் திரில்லர் படம் இது. விழிப்புணர்வு பெறுதல், அறிதல், புரிந்து கொள்ளுதல் ஆகிய மூன்றையும் திரைக்கதையாக கொண்டு உருவாகவிருக்கிறது” என்றார்.