சாக்ஷி அகர்வால் காலா, விஸ்வாசம், அரண்மனை-3, டெடி, பகிரா மற்றும் பல வெற்றிகரமான படங்களில் ஒரு பகுதியாக இருப்பதன் மூலம் கோலிவுட்டில் தனக்கென ஒரு அடையாளத்தை உருவாக்கிக் கொண்டவர். மலையாளத்தில் தான் அறிமுகமாகும் படத்தின் படப்பிடிப்பையும், கன்னடம் மற்றும் தமிழில் இரண்டு படங்களின் படப்பிடிப்பையும் முடித்துள்ளார்.
தனிமை விரும்பியாக அறியப்பட்ட அவர், கடந்த சனிக்கிழமை தனது பிறந்தநாளை ஓர் முதியோர் இல்லத்தின் மிகவும் அர்த்தமுள்ள முறையில் செலவிட்டார். சில சுவையான உணவுகளை தயாரித்து அவர்களுக்கு பரிமாறினார். வயதானவர்களுடன் விளையாடி, ஆடிப்பாடி மகிழ்ந்து இதயத்தை வருடும் தருணங்களை பகிர்ந்து கொண்டார்.
இந்த சிறப்பான நிகழ்வை தனது சமூக ஊடகப் பக்கங்கள் மூலம் பகிர்ந்து கொண்டார். நெட்டிசன்கள் பிறந்தநாள் வாழ்த்துக்களையும் ஆதரவையும் சாக்ஷிக்கு அளித்தனர்.
