பிரபல சினிமா விமர்சகர் ப்ளூ சட்டை மாறன் இயக்கி, இசையமைத்து, நடித்து கடந்த வருட இறுதியில் வெளியான படம் ‘ஆன்டி இண்டியன்.‘
‘மூன் பிக்சர்ஸ்’ ஆதம்பாவா தயாரித்த இந்த படத்தில் இந்த படத்தில் ராதாரவி, ஆடுகளம் நரேன், இயக்குனர் வேலு பிரபாகரன் உள்ளிட்ட பலர் நடித்திருந்தனர். 
இந்துவாக இருந்து முஸ்லிமாக மாறி மரணித்த ஒருவரின் இறுதிச்சடங்கு எந்த அளவுக்கு மதரீதியான, அரசியல் ரீதியான பிரச்சனைகளை உருவாக்குகிறது என்பதை தனது பாணியில் நையாண்டி கலந்து எடுத்துச் சொல்லியிருந்தார் ப்ளூ சட்டை மாறன்.
படம் ரிலீஸுக்கு தயாரானபோது ஓடிடி தளத்தில் இந்த படத்தை நேரடியாக வெளியிட நல்ல வரவேற்பு இருந்தபோதும், தியேட்டர்களில் தான் வெளியிட வேண்டும் என உறுதியாக நின்று, பல சிரமங்களை தாண்டி வெளியிட்டனர். படத்தை பார்த்த ரசிகர்களிடமிருந்து கலவையான விமர்சனங்களைப் பெற்ற இந்த படம் திருப்திகரமான வசூலையும் பெற்றது.
இந்த நிலையில் தற்போது இந்த படத்தை ஓடிடியில் வெளியிடுவதற்கும் சாட்டிலைட் உரிமையை பெறுவதற்கும் சில முன்னணி நிறுவனங்கள் விருப்பம் தெரிவித்துள்ளன. இது குறித்த பேச்சுவார்த்தை தற்போது நடைபெற்று வருகிறது என்று தயாரிப்பாளர் தரப்பில் தெரிவிக்கப்பட்டுள்ளதோடு புதிய போஸ்டரும் வெளியிடப்பட்டுள்ளது!
