‘கோ’, ‘நெற்றிக் கண்’ படங்களின் மூலம் ரசிகர்களுக்கு பரிச்சயமானவர் அஜ்மல். தொடர்ந்து தமிழில் குறிப்பிடும்படியான படங்களில் நடித்து வருகிறார்.
இந்த நிலையில் பிரபல இயக்குநர் ராம் கோபால் வர்மா இயக்க, ஆந்திர முதலமைச்சர் ஜெகன் மோகன் ரெட்டியின் வாழ்க்கை வரலாறு படமாக உருவாகிறது. அந்த படத்தில் அஜ்மல் ஆந்திர முதல்வர் ஜெகன் மோகன் ரெட்டியாக நடிக்கவிருக்கிறார்.
இதுகுறித்து அஜ்மல் பேசும்போது, ‘‘முதலில் இந்த கேரக்டரில் நடிக்கப் போகிறேன் என்றதும் எனக்கு பல தரப்பில் இருந்தும் பயங்கர எதிர்ப்பும் மிரட்டல்களும் வந்தது. ஆனாலும் அவரைப் பிடித்தவர்கள் படத்தை எதிர்பார்த்திருக்கிறார்கள். என்னால் முடிந்தவரை அந்த கதாபாத்திரத்திற்கு நியாயம் சேர்க்க முயற்சிக்கிறேன்.
ராம் கோபால் வர்மாவும் எனக்கு இந்த விஷயத்தில் உதவியாக இருக்கிறார். இது எனது திரை வாழ்வில் மிகவும் முக்கியமான படம். மிகப் பெரிய பட்ஜெட்டில் பிரமாண்டமான படமாக 5 மொழிகளில் பான் இந்தியா படமாக இது உருவாகிறது. நிச்சயம் படம் மிகப் பெரிய வரவேற்பை பெறும்” என்றார்.
