பாலிவுட் நட்சத்திரம் ரன்பீர் கபூர் நடித்த ‘அனிமல்’ திரைப்படத்தின் டீசர் எதிர்வரும் செப்டம்பர் 28-ம் தேதியன்று வெளியாகும் என அறிவிக்கப்பட்டிருக்கிறது. அதனால் ரசிகர்கள் உற்சாகமடைந்து டீசருக்காக காத்திருக்கிறார்கள்.
படத்தின் புதிய போஸ்டரையும் படத்தின் வெளியிட்டிருக்கிறார்கள். அதில் ரன்பீர் கபூரின் தோற்றம் கதாபாத்திரத்தின் தன்மையை விவரிக்கும் விதத்தில் இருக்கிறது. அது டீசர் சிறப்பாக இருக்கும் என்ற உறுதியையும் அளிக்கிறது.
இந்த படம் சந்தீப் ரெட்டி வங்கா இயக்கத்தில் தலைசிறந்த படைப்பாக உருவாகியுள்ளது. இந்த படத்தில் அனில் கபூர், ரஷ்மிகா மந்தானா, பாபி தியோல், திரிப்தி டிம்ரி உள்ளிட்ட நட்சத்திரங்கள் நடித்திருக்கிறார்கள்.
‘அனிமல்’ இந்திய திரையுலகின் இரண்டு ஜாம்பவான்களான பல்துறை ஆளுமையான நடிகர் ரன்பீர் கபூர் மற்றும் எழுத்தாளரும், இயக்குநருமான சந்தீப் ரெட்டி வங்கா ஆகியோரை ஒன்றிணைக்கும் ஒரு உன்னதமான கதை.
இந்த படம் தமிழ், தெலுங்கு, கன்னடம், மலையாளம் மற்றும் இந்தி ஆகிய மொழிகளில் எதிர்வரும் டிசம்பர் மாதம் முதல் தேதியன்று உலகம் முழுவதும் திரையரங்குகளில் வெளியாகிறது.
பூஷன் குமார் & கிரிஷன் குமாரின் டீ சீரிஸ் நிறுவனம், முராத் கெடானியின் சினி 1 ஸ்டுடியோஸ் மற்றும் பிரனய் ரெட்டி வங்காவின் பத்ரகாளி பிக்சர்ஸ் ஆகிய பட நிறுவனங்கள் இணைந்து தயாரிக்கின்றன.
