தமிழ் சினிமாவில் அதிகம் கையாளப்படாத ஹெய்ஸ்ட் திரில்லர் ஜானரில் ஹாலிவுட் பாணியில் உருவாகியுள்ள படம் ‘ஆதாரம்.’ அறிமுக இயக்குநர் கவிதா இயக்கியுள்ள இந்த படத்தில் புதுமுகம் அஜித் விக்னேஷ் நாயகனாக நடிக்க, பூஜா நாயகியாக நடித்துள்ளார். ராதாரவி, ஒய்.ஜி. மகேந்திரன், கதிரவன் பாலு, அட்ரஸ் கார்த்திக் முக்கிய பாத்திரங்களில் நடித்துள்ளனர்.
நம் கண் பார்க்கும் விசயங்கள் மறந்து போக வாய்ப்பிருக்கிறது. ஆனால், சிசிடிவியின் கண்கள் பாரத்த அனைத்தையும் சேமித்து வைக்கும். இந்த கருவை மையமாக கொண்டு நகைக்கடை கொள்ளையின் பின்னணியில், தமிழ் சினிமாவில் அதிகம் கையாளப்படாத ஹெய்ஸ்ட் ஜானரில், காதல் கமர்ஷியல் அம்சங்கள் கலந்து, அனைவரையும் கவரும் வண்ணம் உருவாகியுள்ள படம் இது.
இந்த படத்தின் டீசரை மக்கள் செல்வன் விஜய் சேதுபதி, இயக்குநர்கள் பி.எஸ். மித்ரன், எஸ். ஆர். பிரபாகரன், ஒளிப்பதிவாளர் பி.ஜி. முத்தையா வெளியிட்டனர்.
டீசர், சமூக வலைதளங்களில் ரசிகர்களிடம் பெரியளவில் வரவேற்பை பெற்றுள்ளது. இயக்குநர் சீனு ராமசாமி டீசரை பகிர்ந்து ‘கவனம் ஈர்க்கும் டீசர், வாழ்த்துக்கள்’ என பாராட்டியுள்ளார்.
படப்பிடிப்பு முடிந்த நிலையில் இறுதிகட்ட வேலைகள் தீவிரமாக நடந்து வருகிறது. படத்தின் டிரெய்லர், இசை வெளியீடு மற்றும் திரையரங்கு வெளியீடு குறித்த அறிவிப்புகள் விரைவில் தெரியவரும்.
படக்குழு:-
தயாரிப்பு: MATINEE FOLKS நிறுவனம் சார்பில் ஜி.பிரதீப்குமார், ஆப்ஷா மைதீன்
வசனம் – கவிதா, ராசி தங்கதுரை
ஒளிப்பதிவு – என்.எஸ். ராஜேஷ் குமார் & ஶ்ரீவட்ஸ்
எடிட்டிங் – டாய்ஸ். எம்
மக்கள் தொடர்பு – பரணி அழகிரி, திருமுருகன்
‘ஆதாரம்’ படத்தின் ஒர்க்கிங் ஸ்டில்ஸ்:-
