அறிமுக இயக்குநர் நஹாஸ் ஹிதாயத் இயக்கத்தில், ஆண்டனி வர்கீஸ், ஷேன் நிகம், நீரஜ் மாதவ் நடிக்கும் ‘புரொடக்ஷன் நம்பர் 6’ படத்தின் படப்பிடிப்பு விறுவிறுப்பாக நடந்து வருகிறது.டோவினோ தாமஸ், குரு சோமசுந்தரம் முக்கிய வேடங்களில் நடித்த, பான் இந்திய அளவில் கொண்டாடப்பட்ட ‘மின்னல் முரளி’ என்ற பிளாக்பஸ்டர் ஹிட் கொடுத்த தயாரிப்பாளர்கள் இந்தப் படத்தை தயாரிக்கிறார்கள்.
ஆண்டனி வர்கீஸ், ஷேன் நிகம் ஆகியோர் படத் தலைப்புக்கான கேரக்டர்களிலும், நீரஜ் மாதவ் முக்கிய கதாபாத்திரத்திலும் நடிக்கிறார்கள்.
வீக்கென்ட் பிளாக் பஸ்டர்ஸ் சோஃபி பால் தயாரிப்பில் பிரமாண்டமான ஆக்ஷன் பிளாக்ஸ் மற்றும் 100% பொழுதுபோக்குடன் உலகம் முழுவதுமுள்ள ரசிகர்களைக் கவர்ந்திழுக்கும் வகையில் இந்தப் படம் மிகப்பெரிய அளவில் தயாரிக்கப்பட்டு வருகிறது.
ப்ளாக்பஸ்டர் ஹிட் படங்களான ‘தி கே.ஜி.எஃப்’, ‘கைதி’, ‘விக்ரம்’ உள்ளிட்ட படங்களில் அதிரடி ஆக்ஷன் காட்சிகளைக் கொடுத்து ரசிக்க வைத்த ஸ்டன்ட் மாஸ்டர்களான அன்பறிவ் இந்த படத்திற்கும் சண்டை பயிற்சி கொடுத்துள்ளனர்.
தமிழ், மலையாளம், கன்னடம், தெலுங்கு என அனைத்து தென்னிந்திய மொழிகளில் இந்த படம் உருவாகி வருகிறது. தற்போது படப்பிடிப்பு விறுவிறுப்பாக நடைபெற்று வருகிறது. படத்தை வரும் ஆகஸ்ட் மாதம் வெளியிட படக்குழு திட்டமிட்டுள்ளது.
