லிங்கேஷ். பல படங்களில் வில்லனாக, குணச்சித்திர நடிகராக அறியப்பட்டவர்.
இவர் நடித்த கபாலி, பரியேறும் பெருமாள் உள்ளிட்ட படங்கள் இவருக்கு நல்ல பெயர் வாங்கி கொடுத்தாலும்.கதாநாயகன் வாய்ப்பு ‘காலேஜ் ரோடு’ மூலமாகத்தான் கிடைத்திருக்கிறது! 
ஏற்கனவே இந்த திரைப்படத்தை இயக்குனர் ரஞ்சித் பாராட்டியுள்ளது படத்துக்கு கிடைத்த பெரிய அங்கீகாரம்!
மாணவர்களின் கல்விக் கடன் பற்றி பேசி இருக்கும் இந்த படம் மாணவர்கள் மத்தியில் நிச்சயமாக ஒரு தாக்கத்தை ஏற்படுத்தும் வாய்ப்பு அதிகம்!
கிட்டத்தட்ட 10 வருடங்களுக்கு முன் கல்லூரி படத்திற்காக எடையைக் குறைத்து இரண்டு வருடங்கள் கடினமாக உழைத்த லிங்கேஷ் பின்னர் அந்த வாய்ப்பு தவறியபின், தொகுப்பாளராக தன் வாழ்க்கையை தொடர்ந்தார். பின்னர் மெட்ராஸ், கபாலி, பரியேறும் பெருமாள், உள்ளிட்ட படங்களில் நடித்து திறமையை நிரூபித்தார்.
அன்று ‘கல்லூரி’ படத்தில் தமன்னாவோடு நடிக்கிற கதாநாயகன் வாய்ப்பை தவறவிட்டவர் கடின உழைப்போடும் அர்ப்பணிப்போடும் போராடி இன்று ‘காலேஜ் ரோடு’ படத்தில் நாயகனாக அறிமுகமாகி கவனம் ஈர்க்கும் விதத்தில் நடித்துள்ளார்.
இந்த படம் டிசம்பர் 30-ம் தேதி திரையரங்குகளில் வெளியாகிறது. படத்தை பி வி ஆர் பிச்சர்ஸ் வெளியிடுகின்றனர்.
கதையம்சம் கனமாக இருப்பதால் இந்த படம் மாணவர்கள் மத்தியில் மிகப்பெரிய வரவேற்பு பெறும் என உறுதியாக நம்புகிறது படக்குழு!
