அதர்வா முரளி கதாநாயகனாக நடிக்க, டாடா’ படத்தின் மாபெரும் வெற்றியைத் தொடர்ந்து ஒலிம்பியா மூவிஸ் எஸ் அம்பேத் குமார் தயாரிக்கும் ‘டிஎன்ஏ’ படத்தின் பணிகள் விறுவிறுப்பாக நடைபெற்று வருகிறது. ‘மான்ஸ்டர்’, ‘ஒரு நாள் கூத்து’, ‘ஃபர்ஹானா’ படங்களை இயக்கிய நெல்சன் வெங்கடேசன் இந்த படத்தை எழுதி இயக்குகிறார். விமர்சன ரீதியாகப் பாராட்டப்பட்ட ‘சித்தா’ படத்தில் தனது சிறப்பான நடிப்பிற்காக பாராட்டுகளைப் பெற்ற நிமிஷா சஜயன் கதாநாயகியாக நடிக்கிறார்.
அதர்வா முரளியின் பிறந்தநாளை கொண்டாடும் விதமாக, படத்தின் ஃபர்ஸ்ட் லுக் வெளியாகியுள்ளது. அதில் அதர்வா முரளியின் புதிய தோற்றம் ரசிகர்கள் மத்தியில் படம் குறித்த ஆர்வத்தை அதிகப்படுத்தியுள்ளது.
படப்பிடிப்பு இறுதிக்கட்டத்தை எட்டியுள்ளது. விரைவில் டிரெய்லர், பாடல்கள் வெளியாகவிருக்கிறது.
இயக்குநர் நெல்சன் தனது வெவ்வேறு ஜானர்களைத் தனது முந்தையப் படங்களில் முயற்சி செய்து வெற்றி கண்டவர். இவருடன் ‘டிஎன்ஏ’ படத்தில் திறமையான நடிகர்கள் அதர்வா முரளி மற்றும் நிமிஷா சஜயன் இணைந்திருப்பது படத்தின் மீதான எதிர்பார்ப்பை அதிகரித்துள்ளது.
