சூரி கதையின் நாயகனாக நடிக்கும் ‘கருடன்’ படத்தின் ஃபர்ஸ்ட் லுக் & கிளிம்ப்ஸ் வெளியீடு!

சூரி கதையின் நாயகனாக நடிக்க, ஆர் எஸ் துரை செந்தில்குமார் இயக்கத்தில் உருவாகியிருக்கும் படம் ‘கருடன்.’ சசிகுமார், உன்னி முகுந்தன் முக்கிய வேடங்களில் நடிக்க, சமுத்திரக்கனி, ரேவதி சர்மா, ஷிவதா நாயர், மைம் கோபி, மொட்டை ராஜேந்திரன் உள்ளிட்ட பலர் நடித்திருக்கிறார்கள். இந்த படத்துக்கு இயக்குநர் வெற்றிமாறன் கதை எழுதியிருக்கிறார்.

ஆக்சன் என்டர்டெய்னராக தயாராகி இருக்கும் படத்தை லார்க் ஸ்டுடியோஸ்’ கே. குமார் தயாரித்திருக்கிறார்.

படப்பிடிப்பு பணிகள் நிறைவடைந்து, இறுதி கட்டப் பணிகள் விறுவிறுப்பாக நடைபெற்று வருகிறது. இந்நிலையில் படத்தின் ஃபர்ஸ்ட் லுக் மற்றும் கிளிம்ப்ஸ் வெளியிடப்பட்டிருக்கிறது. அதில் சூரி ஏற்றிருக்கும் கதாபாத்திரத்தின் தோற்றமும், வித்தியாசமான உள்ளடக்கத்துடன் கூடிய காணொளியும் ரசிகர்களை வெகுவாக கவர்ந்திருக்கிறது.

 

 

சூரி, சசிகுமார், உன்னி முகுந்தன், சமுத்திரக்கனி என நட்சத்திரப் பட்டாளங்கள் இணைந்திருப்பதால் படத்துக்கு பெரும் எதிர்பார்ப்பு ஏற்பட்டிருக்கிறது.

ஆர்தர் ஏ. வில்சன் ஒளிப்பதிவு செய்திருக்கும் இந்த படத்திற்கு யுவன் சங்கர் ராஜா இசையமைத்திருக்கிறார். பிரதீப் ஈ. ராகவ் படத்தொகுப்பு பணிகளை கையாள, ஜி. துரைராஜ் கலை இயக்குநராக பணியாற்றியுள்ளார்.

LEAVE A REPLY

Please enter your comment!
Please enter your name here