இயக்குநர் கே.எஸ்.ரவிக்குமாரிடம் உதவி இயக்குநர்களாக பணியாற்றிய சூரியகதிர் மற்றும் கார்த்திகேயன் இணைந்து இயக்கும் படம் ‘ஹிட்லிஸ்ட்.’
இயக்குநர் விக்ரமனின் மகன் விஜய் கனிஷ்கா இந்த படம் மூலம் கதாநாயகனாக அறிமுகமாகிறார். சரத்குமார் முக்கிய கதாபாத்திரத்தில் நடிக்க சித்தாரா, முனீஸ்காந்த், ஐஸ்வர்யா தத்தா, ஸ்மிருதி வெங்கட், பாலசரவணன், ரெடின் கிங்ஸ்லி, அபிநயா, கேஜிஎஃப் புகழ் கருடா ராமச்சந்திரா மற்றும் அனுபமா குமார் உள்ளிட்ட பலரும் நடிக்கின்றனர். 
இயக்குநர் கவுதம் வாசுதேவ் மேனன் பயங்கரமான வில்லனாக நடிப்பதன் மூலம் இந்த படத்தின் நட்சத்திர பட்டியலில் இணைந்துள்ளார். அவர் நடித்த முக்கியமான காட்சிகள் சமீபத்தில் படமாக்கப்பட்டன.
‘தெனாலி’, ‘கூகுள் குட்டப்பா’ ஆகிய படங்களைத் தயாரித்த கே.எஸ்.ரவிகுமாரின் ‘ஆர்கே செல்லுலாய்ட்ஸ்’ நிறுவனம் இந்த படத்தை தயாரித்து வருகிறது.
படத்தின் ஒளிப்பதிவை ராம்சரண் கையாள, படத்தொகுப்பை ஜானும் கலை இயக்கத்தை அருணும் கவனிக்கின்றனர்.
இந்த படம் ஒரு முழுமையான குடும்ப பொழுதுபோக்கு படத்திற்கு தேவையான கமர்சியல் அம்சங்கள் நிறைந்த ஆக்சன் திரில்லராக இருக்கும்’ என நம்பிக்கை தருகிறது படக்குழு. இந்த படத்தின் பணிகள் தற்போது இறுதிக் கட்டத்தை எட்டியுள்ளன.
