‘இயக்குநர் இமயம்’ பாரதிராஜாவின் மகனும் நடிகருமான மனோஜ் பாரதிராஜா இயக்குநராக அறிமுகம் ஆகிறார். அவர் இயக்கவிருக்கும் படத்தை இயக்குநர் சுசீந்திரனின் வெண்ணிலா புரொடக்ஷன்ஸ் தயாரிக்கவுள்ளது.
புதுமுகங்கள் முதன்மை வேடங்களில் நடிக்கும் இந்த படத்தில் மிகவும் முக்கியமான கதாபாத்திரத்தில் இயக்குநர் பாரதிராஜா நடிக்கவுள்ளார்.
‘இயக்குநர் இமயம்’ பாரதிராஜாவும் அவரது மகன் மனோஜ் பாரதிராஜாவும் இணையும் படத்தை தான் தயாரிப்பது குறித்து இயக்குநர் சுசீந்திரன் மகிழ்ச்சி தெரிவித்துள்ளார்.
பாரதிராஜா இயக்கிய ‘தாஜ்மஹால்’ திரைப்படத்தின் மூலம் நடிகராக அறிமுகமாகி அதன் பிறகு பல்வேறு படங்களில் நடித்திருந்தாலும், தான் இயக்குநர் அவதாரம் எடுக்கும் முதல் படத்திலேயே தனது தந்தையை இயக்குவதற்கான வாய்ப்பு கிடைத்துள்ளது குறித்து மனோஜ் பாரதிராஜா மகிழ்ச்சியை வெளிப்படுத்தியுள்ளார்.
இயக்குநராக தனது முதல் படத்தை தயாரிப்பதற்காக சுசீந்திரனுக்கு நன்றி தெரிவித்துள்ள மனோஜ் பாரதிராஜா, இயக்குநர் மணிரத்னத்திடம் பம்பாய் படத்தில் உதவி இயக்குநராக பணிபுரிந்தது குறிப்பிடத்தக்கது. அதனையொட்டி அவரை சந்தித்து ஆசி பெற்றார்.
இப்படம் அனைவரும் ரசித்து பாராட்டும் வகையில் உருவாகும். இசைக்கு முக்கியத்துவம் கொண்ட இக்கதையில் ஜி வி பிரகாஷின் பாடல்களும் பின்னணி இசையும் முக்கிய பங்காற்றும்” என்றார்.
ஜி வி பிரகாஷின் இசையில் உருவாகவுள்ள இந்த படத்தின் படப்பிடிப்பு அடுத்த மாதம் இறுதியில் தொடங்கும். இன்னும் பெயரிடப்படாத இந்த படத்தின் முதல் பார்வையை (First Look) மார்ச் 31 அன்று 10 முன்னணி இயக்குநர்கள் வெளியிட உள்ளார்கள்.
