ஏற்கும் கதாபாத்திரத்துக்கேற்ப தன்னை முழுமையாக மாற்றிக்கொண்டு நடிக்கிற ஆர்யாவுடன், குடும்பத்துடன் ரசிக்கும்படியான, வெற்றிகரமான கமர்ஷியல் படங்களை வழங்கும் இயக்குநர் முத்தையா முதன் முறையாக இணைந்திருக்கும் படம் ‘காதர் பாட்சா என்ற முத்துராமலிங்கம்.’
ஜீ ஸ்டூடியோஸ் & ட்ரம்ஸ்டிக்ஸ் புரொடக்சன்ஸ் தயாரிப்பில் உருவாகியிருக்கும் இந்த படம் உலகமெங்கும் வரும் ஜுன் 2-ம் தேதி வெளியாகிறது.
ஆர்யா முதல் முறையாக கரடுமுரடான கிராமத்து இளைஞனாக நடித்துள்ள படத்தில் நாயகியாக சித்தி இதானி நடித்துள்ளார்.
படத்தின் ஃபர்ஸ்ட் லுக் வெளியானபோதே ஆர்யாவின் தோற்றம் ரசிகர்களிடம் பெரும் வரவேற்பை பெற்றது. படத்தின் நாயகியாக சித்தி இதானி நடித்துள்ளார்.
இந்த படம் சிறியவர் முதல் பெரியவர் வரை அனைத்து தரப்பினரும் ரசிக்கும்படியான, முழுமையான கமர்ஷியல் படைப்பாக உருவாகியுள்ளது.
இந்த படத்துக்கு ஜீ.வி.பிரகாஷ் குமார் இசையமைத்துள்ளார். வேல்ராஜ் ஒளிப்பதிவு செய்துள்ளார், வீரமணி கலை இயக்கம் செய்துள்ளார்.
