‘காக்காமுட்டை’ படத்தில் நடித்ததற்காக தேசிய விருதையும், தமிழக அரசு விருதையும் பெற்ற விக்னேஷ் கதை நாயகனாக நடித்துள்ள படம் ‘குழலி.’ ஆரா கதையின் நாயகியாக நடித்திருக்கிறார். இந்த படம் முற்றிலும் கிராமத்து எதார்த்த முகங்களோடு உருவாகி உள்ளது.
உணர்வுபூர்வமான கதை, வலுவான திரைக்கதை – வசனத்துடன் இயக்கியிருக்கிறார் செரா. கலையரசன். படத்தை கே.பி.வேலு, எஸ்.ஜெயராமன், எம்.எஸ். ராமசந்திரன் இணைந்து தயாரித்திருக்கின்றனர்.
கார்த்திக் நேத்தா, தனிக்கொடி, ராஜாகுருசாமி, மற்றும் ஆக்னஸ் தமிழ்செல்வன் ஆகியோர் பாடல்கள் எழுத டி.எம். உதயகுமார் இசையமைத்துள்ளார். ஷமீர் ஒளிப்பதிவு செய்துள்ளார்.
உலகளவில் பல்வேறு சர்வதேச திரைப்பட விழாக்களில் கலந்துகொண்ட இந்த படம் சிறந்த திரைப்படத்திற்கான விருது, விமர்சனரீதியான விருது, பின்னணி இசைக்கான விருது, சிறந்த நடிகைக்கான விருது என இதுவரை 16 விருதுகளை பெற்றுள்ளது.
இந்த நிலையில் படத்தை தியேட்டர்களில் வரும் 23-ம் தேதி ‘மொழி திரைக்களம்’ என்ற நிறுவனம் வெளியிடுகிறது.
