கிஷோர் கதையின் நாயகனாக நடிக்க, புதுமுகம் விஷ்வா, நீரஜா நடித்திருக்கும் படம் ‘மஞ்சக்குருவி.’
வி.ஆர்.கம்பைன்ஸ் சார்பில், விமலா ராஜநாயகம் தயாரிக்கும் இந்த படத்திற்காக செங்கல் சூளையில் சண்டைக் காட்சிகள் படமாக்கப்பட்டது.
அப்போது, ரோப் இல்லாமல் டூப் இல்லாமல் தன்னுடன் ஒரு நடிகர் மோதுவதை பார்த்த நடிகர் கிஷோர், ஆச்சரியத்தில் ஆழ்ந்து, இயக்குனர் அரங்கன் சின்னதம்பியிடம் விசாரிக்கும் போதுதான், அந்த நடிகர் ராஜநாயகம் குங்ஃபூ மாஸ்டர் என்பதும், இதுவரை பத்தாயிரத்துக்கும் மேற்பட்ட குங்ஃபூ கலைஞர்களை உருவாக்கியவர் என்றும் தெரியவந்தது. உடனே ராஜநாயகத்தை கட்டிப்பிடித்து பாராட்டினார் கிஷோர்.
இந்த படத்தில் கிஷோர், விஷ்வா, நீரஜா இவர்களோடு கஞ்சா கருப்பு, சாரப்பாம்பு சுப்புராஜ், கோலி சோடா பாண்டி, பருத்திவீரன் சுஜாதா, செந்தி உள்ளிட்ட பலர் நடித்திருக்கும் இந்தப் படத்தில், அகில இந்திய குங்ஃபூ தலைமை பயிற்சியாளர் மாஸ்டர் ராஜநாயகம் வில்லனாக நடித்துள்ளார்.
படக்குழு:-
கதை, திரைக்கதை, வசனம், இயக்கம் – அரங்கன் சின்னதம்பி
இசை – சௌந்தர்யன்
ஒளிப்பதிவு – வேல்
எடிட்டிங் – ராஜா முகமது
கலை – கே.எம்.நந்தகுமார்
சண்டைப் பயிற்சி – மிரட்டல் செல்வா
மக்கள் தொடர்பு – கோவிந்தராஜ்
