‘விஜய் ஆண்டனி ஃபிலிம் கார்ப்பரேஷன்’ சார்பில் பாத்திமா விஜய் ஆண்டனி தயாரித்துள்ள ‘பிச்சைக்காரன் 2 – ஆன்டி பிகிலி’ படத்தை விஜய் ஆண்டனி இயக்கி, கதைநாயகனாக நடித்து, இசையமைத்து, படத்தொகுப்புப் பணிகளையும் மேற்கொண்டுள்ளார்.
படத்தில் விஜய் ஆண்டனியோடு காவ்யா தாப்பர், டத்தோ’ ராதாரவி, ஒய் ஜி மகேந்திரன், மன்சூர் அலிகான், ஹரீஷ் பெராடி, ஜான் விஜய், தேவ் கில், யோகி பாபு மற்றும் பலர் முக்கிய கதாபாத்திரத்தில் நடித்துள்ளனர்.
இந்த படத்தின் டிரெய்லர் கடந்த ஏப்ரல் 29-ம் தேதி வெளியானது. டிரெய்லர் ஸ்டைலான காட்சிகள், நேர்த்தியான எடிட்டிங், படத்திற்கான சிக்னேச்சர் இசை, எல்லாவற்றிற்கும் மேலாக விஜய் ஆண்டனியின் பிரமிக்க வைக்கும் ஸ்கிரீன் பிரசன்ஸ் உட்பட எண்ணற்ற அம்சங்களை கொண்டுள்ளது.
இந்த டிரெய்லர் அனைத்து மொழிகளிலும் வெளியாகி 24 மணி நேரத்திற்குள் 7 மில்லியனுக்கும் அதிகமான பார்வைகளைப் பெற்றுள்ளது.
மட்டுமல்லாது சமீபத்தில் வெளியான ‘பிகிலி’ மற்றும் ‘கோயில் சிலையே’ பாடல்கள் அமோக வரவேற்பை பெற்றுள்ளது.
இப்படி படத்தின் மீது எதிர்பார்ப்புகள் அதிகரித்துள்ள நிலையில், படம் மிகப்பெரிய அளவில் பேசப்பட்டு வெற்றி பெறும் என்று வர்த்தக வட்டாரங்கள் ஏற்கனவே அறிவித்துள்ளன.
இந்த நிலையில் படம் வரும் மே 19-ம் தேதி உலகம் முழுவதும் வெளியாகும் என்று படக்குழு மகிழ்ச்சியுடன் தெரிவித்துள்ளது. 
படக் குழுவினர்:
லைன் புரொடியூசர்: சாண்ட்ரா ஜான்சன்
நிர்வாக தயாரிப்பாளர்: நவீன்குமார்.டி
ஒளிப்பதிவாளர்: ஓம் நாராயண் அசோசியேட்
விளம்பர வடிவமைப்பாளர்: தானி ஏலே
கலை இயக்குநர்: ஆறுசாமி
ஸ்டைலிஸ்ட்: ஜி அனுஷா மீனாட்சி
நடன இயக்குநர்கள்: அசார், ஹரி கிரண், கல்யாண்
சண்டை பயிற்சி: ராஜசேகர், மகேஷ் மேத்யூ
டிஜிட்டல் ஆலோசகர் : ஜி. பாலாஜி
ரைட்டர்ஸ்: விஜய் ஆண்டனி, கே பழனி, பால் ஆண்டனி
பாடலாசிரியர்: அருண் பாரதி
வசனம்: கே பழனி
மக்கள் தொடர்பு: சுரேஷ் சந்திரா, ரேகா டி’ஒன்
