‘சிவண்ணா’ என்று ரசிகர்களால் அன்புடன் அழைக்கப்படும் கன்னட சூப்பர் ஸ்டார் டாக்டர் சிவராஜ் குமார் பிரபல தெலுங்குப் பட தயாரிப்பாளர் சுதீர் சந்திர பாதிரியுடன் புதிய படத்திற்காக இணைந்துள்ளார்.
அதையடுத்து சிவராஜ் குமாரின் பிறந்தநாளான இன்று படத்தின் கான்செப்ட் போஸ்டர் வெளியிடப்பட்டுள்ளது.
கான்செப்ட் போஸ்டர் மூலம் இத்திரைப்படம் ஒரு அதிரடி ஆக்ஷன் த்ரில்லர் என்பது அறிய முடிகிறது. சிவராஜ் குமாரின் கெட்டப்பும் போஸ்டர் வடிவமைப்பும் படம் பற்றிய ஆர்வத்தை உருவாக்குகிறது.
தமிழ், கன்னடம், தெலுங்கு மற்றும் மலையாளம் ஆகிய மொழிகளில் உருவாகும் இந்த பான் இந்தியா படத்தை விக்ரம் பிரபு நடிப்பில் வெளியான ‘பாயும் ஒளி நீ எனக்கு’ படத்தைத் இயக்கிய கார்த்திக் அத்வைத் இயக்குகிறார்.
‘சிவண்ணா எஸ்சிஎஃப்சி01’ (#ShivannaSCFC01) என்று அழைக்கப்படும் இத்திரைப்படம் அதிக பொருட்செலவில் வலுவான தொழில்நுட்ப கூட்டணியுடன் உருவாகிறது. ‘விக்ரம் வேதா’ மற்றும் ‘கைதி’ புகழ் சாம் சிஎஸ் இசையமைக்கிறார். தென்னிந்திய திரைப்படத் துறையை சேர்ந்த பிரபல நடிகர்கள் இந்த படத்தில் நடிக்க உள்ளார்கள்.
