‘அகாண்டா’ படத்தின் பிளாக் பஸ்டர் வெற்றிக்குப் பிறகு இயக்குநர் போயபதி ஸ்ரீனு, உஸ்தாத் ராம் பொதினேனியுடன் இணைந்துள்ள ஒரு மாஸ் ஆக்ஷன் என்டர்டெய்னர் திரைப்படம் ‘ஸ்கந்தா’. இதுவரை பார்த்திராத மாஸ் கெட் அப்களில் தனது ஹீரோக்களை திரையில் கொண்டு வருவதில் பெயர் பெற்ற இயக்குநர் போயபதி, இந்தப் படத்திலும் ராமை முற்றிலும் மாறுபட்ட மாஸ் அவதாரத்தில் காட்டவிருக்கிறார். இதுவரை வெளியான அனைத்து போஸ்டர்கள் மற்றும் புரோமோஷனல் வீடியோக்களில் ராம் மாஸாகவே இருக்கிறார்.
படத்தின் முன்னணி நடிகர்களுடனும், நடனக் கலைஞர்களுடனும் படத்தின் கடைசி பாடலோடு ‘ஸ்கந்தா’ படத்தின் மொத்த படப்பிடிப்பையும் படக்குழு முடித்துள்ளது. போஸ்ட் புரொடக்ஷன் பணிகள் தற்போது வேகமாக நடந்து வருகிறது.
டீசர் மற்றும் டைட்டில் க்ளிம்ப்ஸ் மிகப்பெரிய வரவேற்பைப் பெற்ற நிலையில், படத்தில் இருந்து வெளியான முதல் சிங்கிள் ‘நீ சுட்டு சுட்டு’ பாடலும் மிகப்பெரிய வரவேற்பைப் பெற்றுள்ளது. எஸ் தமன் இசையமைத்த இந்தப் பாடல் அனைத்து இசை தளங்களிலும் முதலிடத்தில் உள்ளது. ராம் மற்றும் ஸ்ரீலீலா இந்தப் பாடலில் தங்களது அசத்தலான நடனத்தின் மூலம் பாடலை இன்னும் சிறப்பாக்கியுள்ளனர்.
இப்படத்தின் மீதான எதிர்பார்ப்பு ஏற்கனவே அதிகமாக உள்ள நிலையில், இது பான் இந்தியா படம் என்பதால், நாடு முழுவதும் உள்ள மற்ற மொழிகளில் படத்தை ரசிகர்களிடம் கொண்டு செல்வதற்கான புரோமோஷன் பணிகளையும் படக்குழு தீவிரப்படுத்தியுள்ளது.
படக்குழு:-
எழுத்து, இயக்கம்: போயபதி ஸ்ரீனு
தயாரிப்பு: ‘ஸ்ரீனிவாசா சில்வர் ஸ்கிரீன்’ ஸ்ரீனிவாசா சித்தூரி
இசை: எஸ்எஸ் தமன்
ஒளிப்பதிவு: சந்தோஷ் டிடேக்
எடிட்டிங்: தம்மிராஜு
