‘ஈரம்’ அறிவழகன் இயக்கத்தில், ஆதி நடிக்கும் ‘சப்தம்’ திரைப்படம் டிசம்பர் 14, 2022 அன்று எளிமையான பூஜையுடன் துவங்கியது.
தமிழ் திரையுலகில் முதல் படத்திலேயே முத்திரை பதித்தவர் இயக்குநர் அறிவழகன். திரில்லர் படங்களை தனக்கே உரிய தனித்த திரைக்கதையில் வெற்றிப்படங்களாக மாற்றிய அறிவழகன், தயாரிப்பாளராக தனது புதிய பயணத்தை துவங்கியுள்ளார். ஈரம் படம் மூலம் அறிமுகமான இயக்குநர் அறிவழகன் தனது முதல் பட ஹீரோவான ஆதியுடன் இப்படத்தில் இணைகிறார். ஈரம் படத்திற்கு இசையமைத்த இசையமைப்பாளர் தமன் இப்படத்திற்கு இசையமைக்கிறார்.
Aalpha Frames இயக்குநர் அறிவழகன் மற்றும் 7G Films சிவா இணைந்து தயாரிக்கும் இந்த படம் மாறுபட்ட வகையில், ரசிகர்களை உறைய வைக்கும் ஹாரர் திரில்லராக உருவாகவுள்ளது.
படத்தில் நடிகர்கள் மற்றும் தொழில் நுட்பக் குழுவினர் பற்றிய விவரங்கள் விரைவில் தெரியவரும்.
