‘சீயான்’ விக்ரம் கதையின் நாயகனாக நடிக்கும் புதிய படத்திற்கு படத்திற்கு ‘சீயான் 62’ என தற்காலிகமாக பெயரிடப்பட்டிருக்கிறது. படத்தை எஸ்.யூ.அருண்குமார் இயக்குகிறார். படப்பிடிப்பு அடுத்த ஆண்டில் தொடங்கவிருக்கிறது. அதற்கான அறிவிப்பு காணொளியாக வெளியிடப்பட்டிருக்கிறது.
அதில் இடம் பிடித்திருக்கும் அனைத்து அம்சங்களும் பார்வையாளர்களை வெகுவாக கவர்ந்திருக்கிறது.
இந்த படத்திற்கு ‘இசை அசுரன்’ ஜீ. வி. பிரகாஷ் குமார் இசையமைக்கிறார். ஆக்சன் என்டர்டெய்னராக தயாராகும் படத்தை ஹெச் ஆர் பிக்சர்ஸ்’ ரியா ஷிபு தயாரிக்கிறார்.
விக்ரம் நடித்து அடுத்தடுத்து வெளிவரவிருக்கும் ‘துருவ நட்சத்திரம்’, ‘தங்கலான்’ ஆகிய படங்கள் குறித்த புதிய செய்திகளால் உற்சாகமடைந்திருக்கும் விக்ரமின் ரசிகர்களுக்கு புதிய பட அறிவிப்பு உற்சாகமூட்டியிருக்கிறது.
எஸ்.யூ. அருண்குமார் ‘பண்ணையாரும் பத்மினியும்’, ‘சேதுபதி’, ‘சிந்துபாத்’, மற்றும் சமீபத்தில் வெளியாகி அனைத்து தரப்பு ரசிகர்களின் பாராட்டைப் பெற்று வசூல் ரீதியாகவும், விமர்சன ரீதியாகவும் மாபெரும் வெற்றியைப் பெற்ற ‘சித்தா’ திரைப்படத்தை இயக்கியவர் என்பது குறிப்பிடத்தக்கது.
