அருள்நிதி நடிப்பில், அறிமுக இயக்குனர் அரவிந்த் ஸ்ரீநிவாசன் இயக்கியுள்ள படம் ‘தேஜாவு.’
இந்த படம் வைட் கார்ப்பட் ஃபிலிம்ஸ் சார்பில், கே.விஜய் பாண்டி தயாரிப்பில், பி.ஜி. மீடியா ஒர்க்ஸ் சார்பில் பி.ஜி. முத்தையா இணை தயாரிப்பில் உருவாகியுள்ளது. 
படத்ததில் மதுபாலா, அச்சுத் குமார், ஸ்மிருதி வெங்கட், ராகவ் விஜய், சேத்தன், ‘மைம்’ கோபி, காளி வெங்கட் உள்ளிட்டோர் முக்கிய கதாபாத்திரங்களில் நடித்துள்ளனர்.
இன்று இப்படத்தின் டிரெய்லரை நடிகரும், தயாரிப்பாளரும், தமிழ்நாடு சட்டமன்ற உறுப்பினருமான உதயநிதி ஸ்டாலின் வெளியிட்டு, கண்டு ரசித்து படக்குழுவினருக்கு வாழ்த்துக்களைத் தெரிவித்தார்.
நிகழ்வில் படத்தின் நாயகன் அருள்நிதி, தயாரிப்பாளர் விஜய் பாண்டி, இயக்குனர் அரவிந்த் ஶ்ரீநிவாசன், ரெட் ஜெயன்ட் மூவிஸ் இணை தயாரிப்பாளர் திரு எம்.செண்பகமூர்த்தி, ரெட் ஜெயன்ட் மூவிஸ் விநியோகஸ்தர் திரு சி.ராஜா உள்ளிட்டோர் உடனிருந்தனர்.
வெளியான சில நிமிடங்களில் தேஜாவு ட்ரைலர் பலரின் கவனத்தை ஈர்த்து வருகிறது. இத்திரைப்படம் உலகம் முழுவதும் ஜுலை 22-ம் தேதி திரையரங்குகளில் வெளியாகிறது.
இந்த படத்திற்கு ஜிப்ரான் இசையமைக்க, பி.ஜி. முத்தையா ஒளிப்பதிவை மேற்கொள்ள, படத்தொகுப்பாளராக அருள் E சித்தார்த், சண்டை பயிற்சியாளராக பிரதீப் தினேஷும் கலை இயக்குனராக வினோத் ரவீந்திரனும் பணியாற்றியுள்ளனர்.
