‘தெனாலி’, ‘கூகுள் குட்டப்பா’ படங்களுக்கு பிறகு, கே.எஸ். ரவிக்குமாரின் ஆர்.கே. செல்லுலாய்ட்ஸ் (RK Celluloids) படத் தயாரிப்பு நிறுவனத்தின் மூன்றாவது படைப்பாக உருவாகிறது ‘ஹிட்லிஸ்ட்.’ 
இயக்குநர் விக்ரமனின் மகன் விஜய் கனிஷ்கா அறிமுகமாகும் இந்த படத்தில் சரத்குமார் முக்கிய கதாபாத்திரம் ஏற்றிருக்கிறார். இப்படத்தின் அறிமுக விழா மற்றும் பூஜை இன்று நடந்தது.
கமர்ஷியல் ஆக்சன் திரைப்படமாக உருவாகும் இப்படத்தினை இயக்குநர்கள் சூர்யகதிர், கார்த்திகேயன் இணைந்து இயக்குகிறார்கள்.
இன்றைய பூஜையில் திரை பிரபலங்கள் ஆர்.பி. சௌத்திரி, சத்யஜோதி தியாகராஜன், பி.எல்.தேனப்பன் சுரேஷ் காமாட்சி, இயக்குநர் எழில் கே.எஸ்.ரவிக்குமார், விக்ரமன், எஸ் ஏ சந்திரசேகர், மனோபாலா, லிங்குசாமி, ஏ ஆர் முருகதாஸ், சீனு ராமசாமி, வெற்றிமாறன், பிரபு சாலமன், பாண்டியராஜன், ஆர் கண்ணன், சரண், ரமேஷ் கண்ணா, பேரரசு, ராஜகுமாரன், தேவயானி, ஜெயப்பிரகாஷ் உட்பட பலர் கலந்துகொண்டு, நடிகர் விஜய் கனிஷ்காவையும், படம் வெற்றிபெற படக்குழுவினரையும் வாழ்த்தினர்.
இப்படம் அனைத்து தரப்பினரையும் கவரும் வகையில் ஜனரஞ்சகமாக, காமெடி ஆக்சன் கமர்ஷியல் என அனைத்து அம்சங்களும் நிறைந்த திரைப்படமாக உருவாகவுள்ளது. படம் குறித்த மற்ற விபரங்கள் விரைவில்…
