இந்தியாவின் முதல் தபால் மனிதனின் கதையை சொல்லும் படம் ‘ஹர்காரா.’
‘வி 1 மர்டர் கேஸ்’ படம் மூலம் நாயகனாக அறிமுகமான ராம் அருண் காஸ்ட்ரோ இந்த படத்தின் மூலம் இயக்குநராக அறிமுகமாகிறார். படத்தின் நாயகனாகவும் நடிக்கிறார். மற்றொரு நாயகனாக காளி வெங்கட் நடித்துள்ளார்.
நாயகியாக கௌதமி நடிக்க, பிச்சைக்காரன் மூர்த்தி,ஜெயப்பிரகாஷ், ராதாகிருஷ்ணன் உள்ளிட்டோர் முக்கிய பாத்திரங்களில் நடித்துள்ளனர்.
முழுக்க முழுக்க தேனி அருகில் மலைக் கிராமங்களில் படப்பிடிப்பு நடத்தப்பட்டுள்ளது.
தற்காலத்தில் டிஜிட்டல் வசதிகள் எதுவுமே இல்லாத ஒரு மலைக்கிராமத்திற்குச் செல்லும் போஸ்ட்மேன் அங்கு படும் அவஸ்தையும், அங்கு வாழும் மக்களின் வாழ்க்கையும், பின்னணியாகக் கொண்டு படத்தின் கதை அமைக்கப்பட்டுள்ளது. இதன் பின்னணியில் இந்தியாவின் முதல் போஸ்ட்மேன் பற்றிய ஆச்சரிய எபிஸோடும் படத்தில் உள்ளது.
இளம் திறமையாளர்களின் உழைப்பில் மாறுபட்ட களத்தில் உருவாகியுள்ள இந்த படத்தினை, தமிழ்த் திரையுலகின் முன்னணி தயாரிப்பு நிறுவனமான ட்ரீம் வாரியர் பிக்சர்ஸ் வெளியிடுகிறது. படம் ஆகஸ்ட் 25-ம் தேதி உலகமெங்கும் திரையரங்குகளில் வெளியாகிறது.
படக்குழு:-
ஒளிப்பதிவு: பிலிப் ஆர். சுந்தர், லோகேஷ் இளங்கோவன்
இசை: ராம் சங்கர்
எடிட்டர் : டானி சார்லஸ்
கலை இயக்குநர்: வி ஆர் கே ரமேஷ்
தயாரிப்பு நிறுவனம் : KALORFUL BETA MOVEMENT
தயாரிப்பாளர்: என் ஏ ராமு, சரவணன் பொன்ராஜ்
இணை தயாரிப்பாளர்: அரவிந்த் தர்மராஜ், தீனா
