பெங்களூரில் 1970களில் நடந்த உண்மைச் சம்பவங்களை அடிப்படையாகக் கொண்டு அதிரடி ஆக்ஷன் என்டர்டெய்னராக உருவாகும் பிரமாண்டமான பரபரப்பான பான் இந்திய ஆக்சன் படம் ‘கேடி- தி டெவில்.’
நடிகர் துருவா சர்ஜா நடிக்கும் இந்த படத்தில் ரவிச்சந்திரன், சஞ்சய் தத் உள்ளிட்ட முன்னணி நட்சத்திரங்களும் நடிக்கின்றனர். படத்தை பிரேம் இயக்குகிறார்.
கேவிஎன் புரொடக்ஷன்ஸ் (KVN Productions) வழங்கும் இந்த படம் தமிழ், கன்னடம், தெலுங்கு, மலையாளம் மற்றும் இந்தி ஆகிய மொழிகளில் வெளிவரவுள்ளது.
இந்த படத்தில் சத்யவதி கதாபாத்திரத்தில் பிரபல பாலிவுட் பவர்ஹவுஸ் ஸ்டார் ஷில்பா ஷெட்டி இணைந்துள்ள தகவல் வெளியாகியுள்ளது. இந்த அறிவிப்பு ரசிகர்கள் மத்தியில் பெரும் உற்சாகத்தை ஏற்படுத்தியுள்ளது.
இந்திய அளவில் பிரபலமான முன்னணி நட்சத்திரங்கள் படத்தில் இணைந்திருப்பது, ரசிகர்களிடையே பெரும் ஆர்வத்தைத் தூண்டியுள்ளது. 
KD – The Devil படத்தில் நடிப்பது குறித்து நடிகை ஷில்பா ஷெட்டி குந்த்ரா, “ராஜ்யங்களுக்கு இடையே நடக்கும் ஒரு மாபெரும் போரை பற்றிய கதை தான் கேடி தி டெவில், ஒவ்வொரு ராஜ்யத்திற்கும் ஒரு ‘சத்யவதி’ தேவை. இந்த ‘கேடி’ போர்க்களத்தில் நானும் ஒரு அதிசக்தி வாய்ந்த கதாபாத்திரத்தில் சத்தியவதியாக நடிப்பது மிகப்பெரும் மகிழ்ச்சி” என்றார்.
