‘அயலி’, ‘செங்களம்’ வெப் சிரீஸ்களின் பிரமாண்ட வெற்றியைத் தொடர்ந்து இந்தியாவின் முன்னணி ஓடிடி தளமான ZEE5 தளம் அடுத்த வெளியீடாக, ‘ஒரு கோடை Murder Mystery’ என்ற புதுமையான திரில்லர் வெப் சீரிஸை வரும் ஏப்ரல் 21-ம் தேதி உலகமெங்கும் வெளியிடுகிறது.
ஃபாசிலா அல்லானா, கம்னா மெனேசஸ் தயாரித்துள்ள இந்த வெப்சீரிஸை, விஷால் வெங்கட் இயக்கியுள்ளார். திரைக்கதை வசனத்தை என். பத்மகுமார் மற்றும் ரோஹித் நந்தகுமார் எழுதியுள்ளனர்.
பள்ளியில் படித்து வரும் கூச்ச சுபாவம் கொண்ட இளைஞன் வியோம், அவனுக்கு தன்னுடன் வினாடி வினா நிகழ்ச்சியில் பங்குகொள்ளும் தாரா மீது ஈர்ப்பு வருகிறது. அவனும் தாராவும் சந்திக்கத் திட்டமிட்டிருந்த நாளில் தாரா காணாமல் போகிறாள், அதைத்தொடர்ந்து, தாராவின் உடல் ஏரியில் கிடைக்கிறது. தாரா மரணத்தால் உடைந்து போகும் வியோம், தனது நண்பர்களின் உதவியுடன் தாராவிற்கு என்ன நடந்தது என்பதைக் கண்டுபிடிக்க முயல்கிறான்.
இப்படி பரபரப்பான திருப்பங்களுடன் பள்ளி மாணவர்கள் துப்பறியும் ஒரு புதுமையான திரில்லராக, மலைநகர பின்னணியில் இந்த வெப்சீ ரிஸ் உருவாகியுள்ளது.
நடிகை அபிராமி, ஆகாஷ், ஐஸ்வர்யா, ராகவ், ஜான், நம்ரிதா, அபிதா, பிராங்கின், சில்வன் ஆகியோர் முதன்மை பாத்திரங்களில் நடித்துள்ளனர்.
