உதயநிதி ஸ்டாலின் நடிப்பில், ‘ரெட் ஜெயன்ட் மூவீஸ்’ தயாரிப்பில், மாரி செல்வராஜ் இயக்கத்தில் உருவாகிவரும் படம் ‘மாமன்னன்.’
கீர்த்தி சுரேஷ் நாயகியாகவும், வடிவேலு, பஹத் பாசில் முக்கிய கதாபாத்திரங்களிலும் நடிக்கும் இந்த படத்திற்கு இசைப்புயல் ஏ.ஆர்.ரஹ்மான் இசையமைக்கிறார். தேனி ஈஸ்வர் ஒளிப்பதிவை மேற்கொள்கிறார்.
இந்த படத்திற்காக யுகபாரதி வரிகளில் உருவான ஒரு பாடலை, ‘இசைப்புயல்’ ஏ.ஆர்.ரஹ்மான் இசையில் ‘வைகை புயல்’ வடிவேலு பாடியுள்ளார். இந்த பாடல் விரைவில் வெளியாகும் என இயக்குநர் மாரி செல்வராஜ் தெரிவித்துள்ளார்.சில தினங்களுக்கு முன் ‘மாமன்னன்’ படத்தின் ஃபர்ஸ்ட் லுக் போஸ்டர்கள் வெளியாகி வைரலானது. தற்போது மேற்குறிப்பிட்ட பாடல் பதிவின்போது எடுக்கப்பட்ட புகைப்படமும் சமூக வலைதளங்களில் வைரலாக பரவி வருகிறது.
இந்த படத்தின் இறுதிக்கட்ட பணிகள் விறுவிறுப்பாக நடைபெற்று வரும் நிலையில் படம் ஜூன் மாதம் வெளியாகும் என அறிவிக்கப்பட்டுள்ளது.
படக்குழுவினர் விவரம்:
தயாரிப்பு – ரெட் ஜெயன்ட் மூவீஸ்
இயக்கம் – மாரி செல்வராஜ்
இணை தயாரிப்பு – எம். செண்பகமூர்த்தி, ஆர்.அர்ஜுன் துரை
இசை – ஏ.ஆர்.ரஹ்மான்
ஒளிப்பதிவு – தேனி ஈஸ்வர்
கலை – குமார் கங்கப்பன்
படத்தொகுப்பு – செல்வா ஆர் கே
சண்டைப்பயிற்சி – திலீப் சுப்பராயன்
பாடல் – யுகபாரதி
நடனம் – சாண்டி
நிர்வாக மேற்பார்வை – E.ஆறுமுகம்
விநியோக நிர்வாகம் – ராஜா.சி
மக்கள் தொடர்பு – சதீஷ் (AIM)
