புதுமுக இயக்குநர் ரியாஸ் மாரத் இயக்கும் ஆக்ஷன் த்ரில்லர் படத்தில் ரஹ்மான், பாவனா முதன்முறையாக இணைந்து நடிக்கிறார்கள். பெயரிடப்படாத இந்த படத்தின் முதற்கட்ட படப்பிடிப்பு கொச்சியில் துவங்கியது.
ரஹ்மான் கதாநாயகனாக போலீஸ் அதிகாரி வேடத்தில் நடிக்கிறார். நீண்ட இடை வெளிக்கு பிறகு நடிக்க வந்துள்ள பாவனா தடயவியல் மருத்துவ அதிகாரியாக நடிக்கிறார்.
இந்த படத்தை ஏபிகே சினிமாஸ்’ ஆதித் பிரசன்ன குமார் பெரிய பொருட்செலவில் தயாரிக்கிறார். இரண்டாம் கட்ட படப்பிடிப்பு பொள்ளாச்சி, பாண்டிச்சேரி மற்றும் கொடைக்கானல் ஆகிய இடங்களில் ஜூன் மாதத்தில் நடைபெறுகிறது. துருவங்கள் 16′ படத்தின் ஒளிப்பதிவாளர் சுஜித் சாரங் ஒளிப்பதிவு செய்கிறார்.
இந்த படத்தை தவிர ரஹ்மான் தற்போது தமிழில், ரவிசந்திரா இயக்கும் ‘அஞ்சாமை’, கார்த்திக் நரேன் இயக்கத்தில் சரத்குமார், அதர்வாவுடன் இணைந்து நடிக்கும் ‘நிறங்கள் மூன்று’ உள்ளிட்ட படங்களில் நடித்து வருகிறார்.
அமல் கே ஜோப் இயக்கும் ‘ஏதிரே’ என்ற மலையாளத்தில் கதாநாயகனாக நடித்துவரும் ரஹ்மான், சார்லஸ் இயக்கும் ‘சமாரா’ என்ற படத்திலும் நடிக்கிறார்.
‘குயின்’ புகழ் விகாஸ்பால் இயக்கும் ‘கண்பத்’ என்ற பிரமாண்ட படம் மூலம் ரஹ்மான் ஹிந்தியில் அறிமுகமாகிறார். அந்த படத்தில் ரஹ்மானும், டைகர் ஷார்ஃபும் அமிதாப் பச்சனின் பிள்ளைகளாக நடித்து வருகிறார்கள். படப்பிடிப்பு விரைவில் நிறைவடையும் நிலையில் உள்ளது. படம் வரும் தீபாவளிக்கு திரைக்கு வரவிருக்கிறது.
ரஹ்மான் கதாநாயகனாக நடிக்கும் முதல் வெப் சீரிஸை டிஸ்னி+ ஹாட் ஸ்டாருக்காக பிரபல மலையாள நிறுவனமான ஆகஸ்ட் சினிமாஸ் தயாரிக்கிறது. ‘1000 பேபீஸ்’ என்று பெயர் சூட்டப்பட்டுள்ள அந்த வெப்சீரிஸை நஜீம் கோயா இயக்குகிறார். அதன் படப்பிடிப்பு கடந்த மே மாதம் 1-ம் தேதி கொச்சியில் துவங்கியது.
