அரசியல் பின்னணியை கதைக்களமாக கொண்டு அமீர் கதாநாயகனாக நடிக்க, கதாநாயகியாக சாந்தினி ஶ்ரீதரன் நடித்துள்ள படம் ‘உயிர் தமிழுக்கு.’ 
சினிமா விமர்சகர் ‘ப்ளூ சட்டை’ மாறன் நடித்த ‘ஆன்டி இண்டியன்’ படத்தை தொடர்ந்து ‘மூன் பிக்சர்ஸ்’ ஆதம்பாவா தயாரித்துள்ள இந்தப்படத்தில் ஆனந்த்தராஜ், இமான் அண்ணாச்சி, மாரிமுத்து, ராஜ்கபூர், சுப்ரமணியசிவா, மகாநதி சங்கர், ராஜசிம்மன், சரவணசக்தி மற்றும் பலர் நடித்துள்ளனர்.
சிறிய இடைவெளிக்கு பிறகு இந்த படம் மூலம் வெற்றிகரமாக ரீ என்ட்ரி கொடுத்துள்ளார் இசையமைப்பாளர் வித்யாசாகர்.
இந்த படத்தின் மூலம் தயாரியப்பாளர் ஆதம்பாவா இயக்குநராகவும் அறிமுகமாகிறார் என்பது முக்கிய செய்தி!
படத்தை இந்த மாத இறுதியில் பக்ரீத் பண்டிகையின்போது வெளியிட திட்டமிட்டுள்ளனர். சிம்பு நடித்த மாநாடு என்கிற மிகப்பெரிய வெற்றிப்படத்தை தயாரித்த சுரேஷ் காமட்சி தனது வி ஹவுஸ் நிறுவனம் மூலம் படத்தை வெளியிடுகிறார்.
இந்தநிலையில் மாரி செல்வராஜ் இயக்கத்தில் உதயநிதி ஸ்டாலின் நடித்துள்ள மாமன்னன் படத்தையும் பக்ரீத் பண்டிகையன்று வெளியிட திட்டமிட்டுள்ளார்கள் என்கிற தகவல் வெளியாகியுள்ளது. இதனால், உயிர் தமிழுக்கு படம் ஏற்கனவே திட்டமிட்டபடி பக்ரீத் பண்டிகைக்கு வெளியாகுமா என்கிற கேள்வி எழுந்துள்ளது.
ஆனால், தொடர் விடுமுறை நாட்கள் என்பதால் மட்டுமல்ல, சென்டிமென்ட்டாகவும் இந்தப்படத்தை பக்ரீத் பண்டிகை தினத்தில் வெளியிடுவதில் உறுதியாக இருக்கிறேன் என்று தயாரிப்பாளரும் இயக்குநருமான ஆதம் பாவா கூறியிருக்கிறார்.
மாமன்னன் படம் அரசியலை சீரியஸாக பேசுகிறது என்றால் உயிர் தமிழுக்கு படம் இன்னொரு விதமாக நையாண்டி கலந்து அரசியலை பேச வருகிறது. அந்தவகையில் இந்த இரண்டு படங்களுமே ஆரோக்கியமான போட்டியுடன் ரசிகர்களை திரையரங்குகளை நோக்கி வரவழைக்கும் என்பதில் சந்தேகம் இல்லை. 
உருவாக்கத்தில் உறுதுணை:-
ஒளிப்பதிவு – தேவராஜ்
படத்தொகுப்பு – அசோக் சார்லஸ்
பாடல்கள் – பா.விஜய்
வசனம் – பாலமுரளி வர்மன், அஜயன்பாலா
