ஷூட்டிங் ஸ்பாட்டுக்கு சென்று பாராட்டிய இயக்குநர் ஆர்.கே.செல்வமணி… உற்சாகமான கயல் ஆனந்தி நடிக்கும் ‘ஒயிட் ரோஸ்’ படக்குழு!

‘கயல்’ ஆனந்தி கதாநாயகியாக நடிக்கும் திரில்லர் படம் ’ஒயிட் ரோஸ்.’

கயல் ஆனந்திக்கு ஜோடியாக விஜித் நடிக்க ஆர்.கே.சுரேஷ் முற்றிலும் மாறுபட்ட தோற்றத்தில் வில்லனாக நடித்துள்ளார். புதுமுகம் ரூசோ ஸ்ரீதரன், சசிலயா, கணேஷ், ராமநாதன் மற்றும் பலர் நடித்துள்ளனர்.

இப்படத்தின் மூலம் சுசிகணேசனின் உதவியாளர் ராஜசேகர் இயக்குநராக அறிமுகம் ஆகிறார்.

சமீபத்தில் படப்பிடிப்பு முடிவடைந்துள்ளது. படப்பிடிப்பு நடந்து கொண்டிருந்தபோது அங்கு சென்ற இயக்குநர் சங்கம், பெப்சி அமைப்பு ஆகியவற்றின் தலைவர் ஆர்.கே. செல்வமணி இயக்குநருக்கும் படக்குழுவினருக்கும் தனது பாராட்டுகளைத் தெரிவித்துள்ளார்.

படத்தின் கதையில் காவல் கட்டுப்பாட்டு மையம் முக்கிய பங்கு வகுக்கிறது. அது தத்ரூபமாக இருக்கவேண்டும் என்பதற்காக, பல லட்ச ரூபாய் செலவில் செட் போடப்பட்டு படப்பிடிப்பு நடைபெற்றது.

படத்தின் போஸ்ட் புரொடக்‌சன் வேலைகள் மும்முரமாக நடைபெற்றுக் கொண்டிருக்கிறது. படத்தை மிக விரைவில் திரைக்கு கொண்டுவர திட்டமிட்டுள்ளதாக தயாரிப்பாளர் ரஞ்சனி தெரிவித்துள்ளார்.

படக்குழு:
தயாரிப்பாளர்: ‘பூம்பாரை முருகன் புரொடக்சன்ஸ்’ ரஞ்சனி
பாடல்கள்: ‘கவிப்பேரரசு’ வைரமுத்து
ஒளிப்பதிவு: இளையராஜா
இசை: ‘மெட்ரோ’ படப்புகழ் ஜோகன் செவனேஷ்
பின்னணி இசை: சுதர்ஷன் எம். குமார்
கலை: டி.என். கபிலன்
மக்கள் தொடர்பு: சுரேஷ் சந்திரா

LEAVE A REPLY

Please enter your comment!
Please enter your name here