திரையுலகம் காலத்திற்கேற்ப பல மாற்றங்களை கண்டிருக்கிறது. அந்த வகையில் தமிழில் முதல் முயற்சியாக ஐபோன் 11 மேக்ஸில் ஒரு சினிமாவை வார்த்தெடுத்து புது மாற்றத்தை துவங்கியிருக்கிறார் சந்தோஷ் நம்பிராஜன்.
செல்போனில் எடுக்கும் படங்கள் ஒரு வீடு, சின்ன கிராமம் அதைத்தாண்டி அந்த பட்ஜெட்டில் யோசிக்க முடியாது. அந்த தியரியை உடைத்து இந்தியா, சிங்கப்பூர், மலேசியா என மூன்று நாடுகளில் போனில் ஷூட் செய்து, முயன்றால் எதுவும் சாத்தியம் என்பதை நிரூபித்திருக்கிறார்.
‘அகண்டன்’ என பெயரிடப்பட்டுள்ள இந்த படத்தில் சந்தோஷ் நம்பிராஜனுடன், ஹரினி, பிரபல சிங்கப்பூர் நடிகர் யாமீன் உள்ளிட்டோர் நடித்துள்ளனர். பிரமிப்பூட்டும்படி நான்கு சண்டைக் காட்சிகள் இடம் பெற்றுள்ளன.
படக்குழு:-
கதை, திரைக்கதை, வசனம், ஒளிப்பதிவு, இயக்கம்: சந்தோஷ் நம்பிராஜன்
இசை: ஏ.கே.பிராங்ளின்
எடிட்டர்: கோட்டிஸ்வரன்
சந்தோஷ் நம்பிராஜன் பற்றி:-
உலக நாடுகள் பலவற்றிலும் பல்வேறு விருதுகளை அள்ளிக்குவித்த படம் செழியன் இயக்கிய ‘டூலெட்.’ அந்த படத்தின் நாயகனாக அறிமுகமானவர் சந்தோஷ் நம்பிராஜன். அதன் பின் வட்டார வழக்கு’, ‘உழைப்பாளர் தினம்’ என இவர் நடித்த படங்கள் விமர்சகர்களால் கொண்டாடப்பட்டவை. அடுத்து இவர் நடித்து விரைவில் வெளியாகவிருக்கும் ‘ஸ்டார்ட் கேமரா ஆக்ஷன்’ இண்டர்நேஷனல் பிலிம் பெஸ்டிவலில் கலந்து பலரது கவனத்தையும் ஈர்த்தது. சொட்ட வைக்கும் காதல் ரசத்தோடு ‘காதலிசம்’ திரைப்படமும் இணையத்தில் லிவிங் டுகெதர் ? கல்யாணமா? எது வருங்கால தலைமுறைக்கு சிறந்தது என்று பேசி பலராலும் பாராட்டப்பட்டது.
